Tootsi Jaan Malleus kaibas: "Sel ööl sest 14-15 Juni wasta kaddos minno sängi kõrwalt hällist minno 3 näddala wannu lats ärra, ni kuis se latse emma, minno naine, hälli üttest wõerast innemisest ligutetus näggi, sis ajas temma minno maggamast ülles nink ütles, et lats om hällust ärra weedu, sellepäle kargse minna sängist ülles nink lätsi wälja; sääl kuuldse minna, kui üts howi wärrete kinni pandse ja penni haukse ka säälpool, sis jooskse minna sinna pole nink sai tüdruk Leeno Leesele järgi, kes omma undriku ülles olli wõtnu nink näggi sääl undriku seen middagi ollewat; minno küssimisse päle, mis temma sääl rüppin hoijap, kostis Leeno Lees, et temma middagi ei kanna, ennegi omma undriko ülles om wõtnu; minna agga kaesi perra, mis temmal sääl rüppin om, nink lõidse omma kaddonu latse. Leno Leese rüppist; sis wei minna latse nink ka Leno Leese tarre mannu taggasi. Perran agga olli Leno Lees wälja lännu, nink minna lätsi perrän kaema, kohhes temma lähhab, ent kui Leno Lees ülle tarre läwwe läts, nakkas temma kaiwo pole jooskma nink kargas kaiwo sisse, ent kui minna sedda näggi, sis lätsi minna perran kaiwo manno nink näggi, kui Leno Lees omma pääd wee alla pistis, sest sel kaiwol olli wäega weidi wet, nink om se kaiwosalwe weerest kunni põhjani arwata 5 jalga süggaw, sis karksi minna ka kaiwo nink tõmbasi Leeno Lees Johann Petersoni abbiga kaiwost wälja."
Tüdrik Leno Lees, 18 1/2 aastad wanna ja minnewa süggise pääkolin käunu, astus ette, nink sai temmale se Jaan Malleuse kaibus ette loetus; sellepäle kostis Leno Lees, et se om õige, et temma Jaan Malleuse last om tahtnu ärrawarrasteda, selleperrast, et temmal nüüd ilda aigu siin kohtu een üts kaibus olli üllesantu, kelle perra temma rassedat piddi ollema poisi Karl Libba kokkoellamissest, kes temmaga jubba enne pääkolin käumist portu ello om ellanu; ent et nüüd temma tundmisse perra temmal mitte rassedat ei olle, ollew temma selle latse ennegi mõnnes ajas henda mannu tahtnu wõtta, ni kawwas, kui selle temma kaibusen wasta Karl Libba kohtu poolt üts otsus olles antus sanu. Sedda tunnistab temma ka õiges, et temma kaiwo om lännu selleperrast, et temma omma häbbi perrast hendale otsa tahtnu tetta.
Pääkohtumees: Märt Lüüs XXX
Kohtumees: Peter Treumuth XXX
Wöörmünder: Michel Markwart XXX
Sisestaja: Tiina Krevald