Ette tulli Thomas Massa ja kaibas, et temma ollew omma poja Hendrik Massaga maad jagganu, ent  poig   Hendrik tahtno hendale surembat ja parrembat tükki maad, ent temma ei tahtno anda, tolle ülle ajano temmaga tülli ja pesno tedda nuiaga ja pallel sädusse perra tedda trahwi, ja neide maja ehhitaja nännu Jaan Kassak ja Jakob Michelson Wastse Kasseritsast ja Andre Widik Laswast.

Sellepäle kutsuti Hendrik Massa kohtu, ja loeti eensaiswa kaibus ette, ja tema ütles, et nemma jagganu Essaga maad ja pandno nuija ülles ja länno söma, ent perrast sögi lännu Essa ma manu, wõtno saiba ma sissest ärra ja tahtno jälle wastsest mõta, ent temma ei lubbano, sis Essa saiba maast ja lönu tälle, päle to lönu kärbikuga, sis tulno temma Emma ja welli, sis nakkanu temma paggema ja wasta kaitsma, ja puttunu kats kõrd nuiaga Essale käe päle, ja nõudis temmale lödu löke eest 6 rubla walla rahha Essa käest.

1.Tunnistaja Jaan Kassak Wastse Kasseritsast andis tunnistust, et temma nännu, kui Thomas Massa wõtno saiba ma sissest ja lönu poja Hendrikule, sis  lönu kats kõrd kärbikuga, ja päle to tulnu Thomas Massa naine ja tõine poig, sis nakkanu Hendrik Massa paggema, ent Essa lönu ikke sälga ja poig Hendrik kaitsno nuiaga wasto ja puttunu Essale kats kõrdkässi päle, ja muud ei nännu.

2. Tunnistaja Jakob Michelson Wastse Kasseritsast andis tunnistust, et eddimast lömist ei nännu, muudkui Thomas Massa kige naisega ja tõise pojaga ajanu poiga Hendrikut tagga ja lönu, ent Hendrik kaitsnu nuiaga wasto, ja putno kats kõrd Essa kässi päle. sis sanu aija mannu ja Thomas Massa wõtnu saiba ja üttelno poja Hendrikule minna lö sinno läbbi, ke pakku nakkanu.

3.Tunnistaja Andre Widik Laswast andis tunnistust, et eddeotsa toost tappelussest ei nänno, muud kui ,et Thomas Massa tahtno omma poja Hendrikule lüwwa ja to kaitsno nuiaga wasto ja lönu Essale käe päle.

Kohtomõistus: Kunna tunnistusse perra Thomas Massa süüdlanne om ja omma poiga Hendrikut pesnu, sis peap Thomas Massa 14 päiwa aja sissen üts rubla trahwi walla waeste ladiko masma ja 2 rubla poja Hendrik Massale wallo rahha masma.

Se Kohtomõistus sai kohtonkäüijle kulutedus ja  §773 ja 774 Tal.säd.ram. 1860.a.ärra selletedus, mis oppust andwa suremba kohtonkäümissest, ja Thomas massa es jä tolleperrast selle mõistmissega rahhul, et mis tälle weel trahwi mõistedi, ent Hendrik Massa jäije rahhul, ke ütles, et temma muidogi es olles omma Essa päle kaibama tulnu, ja wimate sai neile §881 perra se trükkito oppusse leht wälja antus.

Päkohtomees Jürri Waldmann XXX

Kohtomes Tanil Oinas XXX

Kohtomees Tanil Purge XXX

Kirjotaja /P.Haberland/

Copia Kihhelkonna Kohtule