Tulli kaibussega moisawallitsus ette ennitse mötsawahhi Andrus Reinbaki perrast, kelle käest mötsa wahhi maija ärrapallas tema holetusse läbbi. Moisawallitsus om käsknu Andrus Reisbakil ärrapallanu maija jälle üllesehhitata nink om lasknu ommast mötsast palke wälja weddada nink ölled ka lubbanu kattusse tarwis, ent Andrus Reinbak ei olle weel seni ajani henda tö man näutnu enge om lasknu palkel muido wihma nink tule käen mäddaneta. Ent nüüd, et Andrus Reinbak ni kawwas om jätnu maja ehhitamisse, es lubba Herra ennamb ei palke ei ka ölgi omma poolt, enge nöwwap et Andrus omma kullo pääl peap se ärrapallanu mötsawahhi maija üllesehhitama.

Andrus Reinbak selletas kohto een et temma om Herra tö man olnu nink ei olle mitte koddun olnu, ja ei tija ka mes temma rummalat latset om tennu.

Pälese üttel temma weel, et temma keisrilikko Tartu IIIda kihhelkonna kohto man maija üllesehhitamissest om walla möistetu.

Kohhus moistis Andrus Reinbakile maija ülles ehhitata et se temma naise holetusse läbbi om ärrapallanu; ent et temma ni waene om, essi ka tullekahjo läbbi paljo kahjo sanu nink wimate tullest üllejänu kraam ärraoksitu, arwas kohhus et Herra wois ommalt poolt palgid nink ölled anda, nink törahwast appi ja Andrussele korteri nink mona annas, sis peas temma ilma wibimata ehhitama nakkama.

Andrus Reinbak es olle sega rahhu, enge lubbas suremban kohtun omma asja laske selletata.