Ette tulli herra D. Thom Missolt ja kaibas et sel 6 Januaril olewat Misso kõrzin larmi tennü ja tülli 1 Karl Tedder, Johann Wannik, Karl Lustig, Johann Lange nink pallep neid selle larmitsemise eest trahwida ja olewat tunnistaja 1 Peter Sok wöörmündre ja 2 Samuel Treumuth ja 3 Samuel Hak.

Karl Tedder, Johann Wannik, Karl Lustig ja Johann Lange ei ole täämba tulnu.

Tunnistaja Samuel Treumuth ütles wälja et Karl Tedder ja Johann Wannik wõttiwa kõrzimehhe käest pool nakla wina ent es jo ärra ja nõudsewa tõist nink kui kõrzimees tõist wina nakas walama sis wõttiwa nemä wina karaffi kinni ja kisksiwa nink waliwa se wina mahha nink tahtsewa sedda kõrzimüjat üle letti wälja tõmmata ja lätsiwa sis ärra nink es massa ka ärra.

Tunnistaja Samuel Hak Lutteri usku ütles ka nisamma kui Samuel Treumuth.

Wöörmündre Peter Sok ütles et Karl Tedder küsis wina ent Samuel Hak üttel et massa rahha nink sis leije Karl Tedder russikaga lawwa päle ja wõttiwa karaffi kinni ja naksiwa kiskma ent Johann Wannik olli selle asja man kigge weidemb süüdläne.

Otsus

Karl Tedder, Johann Wannik, Karl Lustig ja Johann Lang tõises kohtupäiwas ette kutsuda.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Kirjotaja J. Jõgewa