Ette tulli wana Kiwiorra kõrzimees Otto Markitant ja kaibas et nüüdne kõrzimees Johann Samarütel ei olewat temäle ärra masnud

1. säitse mõõtu rükki külwetu selle eest nõwwap 2 seemend, se om 14 mõõtu rükki.

2. aida tabba ja henge, rehhe henge, 2 kambri henge ja wina kambre luk neide eest nõwwap  5 Rbla

3. kats süld puid ärra wõtnu nende eest mõtsa hinna perra 4 Rbla ja pallep kohhut se 9 Rbla rahha ja 14 mõõtu rükki temäle wälja moista.

Johann Samarütel ütles et

1. sedda ei ole mino kontraktin et mina rükki eest pean masma nink 3 wakka ole mina enne rükki sanu.

2. neist kukkest ja hengist ei tija mina ka middagi sest et minul moisaga ei ole leppitu middagi taggasi massa.

3. neid katte süld puid ei ole mina ka mitte tonu wai hendäle sanu.

Tunnistaja Hindrik Pap ütles et mino maa pääl olliwa ne Otto Markitanti puu a olliwa mino perra kaemise al ja ne puu olliwa ärra weetü nink meije löudsemi neid puid Kiwiorra kõrzi al.

Tunnistaja Peter Kallew ütles wälja nisamma kui Hindrik Pap.

Moistet:

Johann Samarütel peap Otto Markitantile masma:

1. rüast 2 seemend, se om 14 mõõtu rükki

2. lukku ja hengi eest 5 Rbla.

3. puije eest     4 Rbla ja om wälja massa 2te näddali sissen.

Se moistmine om §773 ja 774 perra kulutedu ja oppusleht wälja antu.

Pääkohtumees K. Lõhmus [allkiri]

Kohtumees Tannil Pild [allkiri]

Kohtumees Jaan Oppar XXX

Kirjotaja J. Jõgewa

Joh. Samarütel protokoll wälja sanu sel 22 Januar