Tämba tulliwa ette Rättsep Peter Klaus ja Kusta Raud ja anniwa ülles, et nemmad ommawad sedda nimmitud rahha küll warrastanu, ent ei ollewad sedda rahha mitte rohkemb olnu kui 85 Rubl, perrast ütliwa it 95 Rubl olnud. Se warrastaminne johtunu opis koggemata, sest et see Jaan Pabo unnetanu Kasti kinnipannemata ja essi läinu mant, nattukesse aja perrast tullnu taggasi ja pandnu Lukk ette, ent olli neil siss jobba rahha ärrawoetu. Rahha kaztist wälja wöttnu Peter Klaus ja Usse pääl Wahtmisse pääl olnu Kusta Raud, ni kui rahha woetud saanu, ollewad nemmad tedda kah warsti ärrajagganu ja nimmelt niida, et Petrele 5 Rubl rohkemb saanu.

Selle Tunnistusse päle saiwad Peter Klaus ja Kusta Raud Wahhi alla pantud nink Kaiserlikku Tarto Maakohto kätte sadetud.

Peter Kutzari XXX Peter Akkert XXX Josep Koor XXX

Widrik Harkman XXX Jaan Tennosar XXX Jakob Hanson XXX