Ette tulli Juk Wilup nink kaibas et minnewa pühhapäiwa hommengo tulno Jaan Reet`o naine Sohwi tarre ja nakkano tüllitsema et temma Sea olno wälja päso ja kara rõugu manno länno(mis nüüd ärra pesto ollew) ja wõtno tedda juussist pitti kinni ja tõmmano sängiga (ramega)? ümbre ja lööno pä katski. ja sis tulno Jaan Reet ka omma naisele appi ja rudinowa tedda sääl kattekeiste ja löönowa ka temma naise wokki katski ja Johan Poola kes sääl man om olno om sedda nänno.

Ette kutsuti Jaan Reet ja temma naine Sohwi nink loeti eeseiswa kaibus ette ent temma es salga sedda mitte nink ütles et Juk Wilopi Sea temmale kahjo omma tenno ent se kararõuk ollew kül ärra weeto ja ärra pesto.

Kohtomõistus: Kuna nüüd Jaan Reet ei olle Kohtomeest kutsno ülle kaema kui Juk Wilopi Sea tälle kahjo tenno ja temma naine ennemb pühhapäiwal kaklema nakkano ja tema essi ka appi tulno massap temma 3 (kolm) rubla trahwi koggokonna ladikude ent Juk Wilopile wokki eest mes tülli pääl katski löödo 50 kop.

Se kohto otsus sai kohtonkäüjile kuulutedus nink §773.ja 774 Tal.säd.ram. 1860.a. ärra selletedus mes oppust andwa suremba kohton käümissest, ent kohtonkäüja olliwa selle mõistussega rahhul nink wimate saije neile ka §881 perra se trükkito oppusse leht wälja antus.

Päkohtomees Jürri Waldmann XXX

Kohtomees Tannil Oinas XXX

Kohtomees Tannil Purge XXX

Kirjotaja /allkiri/