Peep Zerna nink Peter Üllinson om leppinud moisaherraga, et kui Pebul ei olle ennam kui 3 tuk topra ellajad 23 1/2 taadre Lüllimäe krunti pääl, selle herr lubbab 1/3 jaggo maqad 4 aasta päle Peter Üllisoni kätte anda.

Peep massap 94 Rubla aastas renti

Peter massap 47    "        "         "

Peter Üllisson tulleb Jürripäiwal omma katte lehmaga nink hobbesega Lüllimäe nink toob omma sitta keik Lüllimäe kessa päle, Pebo sitt jäse temma kessa päle panna.

48 wakkamaad nurmed om leppitud 4 nurmes pitta, nink igga nurm 12 wakkama suur nink kui sitt hannb laiemalt siis herr lubbab need 13 1/2 wakkamaa mõts maad mannu wõtta nisamma 4 nurmega kokko pittä

1 nurm olgo kikest wiljast puhhas kessas

2ne nurm olgo kiik Rükki all

3ma nurm olgo tau wilja al, agga linna ei olle tau nurmen mitte lubba tehha, pool tau nurm om waid haina summaga külwada.

4jas nurm olgo pool nurm haina all, perremehhel om lubba sedda poolt nurme hainas nita, ehk ka ellajatega söta, ni kui essi arwab. töine pool nurm om lubba linnaga, kartohwlega, nink hernega tehha.

Peep Zerna annap 1/3 jaggo rükki orras Petre kätte, 4 aasta pärrast olgo Petrel omma 1/3 rükki põld jälle wäetud, nink külwatud, nink külwatud, sitta nink pühko ei olle mitte lubba säält ärrawia.

To eest jäse Petrel nisamma kui Pebo kontrakt om leppitud 1869 aasta pool rent taggasi.

Räppina koggokonnakohhus sel 31 Märtzil 1869

Peter Üllinson   XXX    Peep Zerna  XXX