Ette tulli selle mõisa perrisherra R. Baron Maijdell ja kaibas, et tema Wastselina laatelt wannamõisa herraga ütten ärra sõitno, ja käskno omma kutser Jakob Massa warsti järgi sõita, ent kutser om  nakkano purjotama ja tulno weel 3 tunni perrast kaugemb wannamõisade (Waldhof) järgi ja hobbese om olno wattole aeto, ja ei olle ka mitte istno pukki pääl ni kui kutseri sädus om, waid wankri sissen ja palles selleperrast kutserit trahwi.

Ette kutsuti kutser Jakob Massa ja loeti eensaiswa kaibus ette, ent temma es salga sedda mitte.

Kohtomõistus: Kunna Kutser Jakob Massa mitte es olle Baroni herra sõnna kuulnu ja ka üllelia hobbestega sõitno, mõista meije (15) wiistõistkümme  witsahoopi ehk (3). kolm rubla rahha  trahwi kogokonna ladikude.

Se kohtomõistus sai kohtonkäüjile kulutedus ja §773 ja 774 1860.a. Tal.säd.ram. perra ärra selletedus, mis oppust andwa suremba kohtonkäümissest, ent Jakob Massa pallel rahha trahwi, ja olli sellega rahhul.

Wallawannemb Jaan Rauba

Kohtomees Tannil Oinas

Kohtomees Tannil Purge

Kirjotaja /allkiri/