Ette tulli Simeon Rosenblatt ja kaibas, et Jaak Jassik tedda om pesno siis kui temma Ellaja omma Jassiko hainama pääl olno ja Jassik tahtno kinni wõtta ent temma ei olle tahtno laske ja nõudse selle eest kolmsadda Rubla.

Ette kutsuti Jaak Jassik ja loeti eensaiswa kaibus ette ent temma ütles et temma ei olle Rosenblatti mitte pesno, ent kui Rosenblatti karri om temma hainama pääl olno, ja temma tahtno kinni wõtta, sis tulno Rosenblatt kirwega ja ei olle laskno, ent temma wõtno kirwe käest ärra ja selleperrast, et temma peljano et Rosenblatt temmale sisse lööb, ja ütles se ollewat ka wasta sädust et Rosenblatt ei olle laskno Ellajid kinni wõtta.

Kohtomõistus: Kunna nüüd Simon Rosenblattil muud tunnistust es olle kui ütsinda Tohtre kirri kes kül ütles, et pesto om ja küllelu katski löödu ent mitte et Jassik sedda om tenno mõistame sedda kaibust tühjas.

Se Kohtomõistus sai kohtonkäüjile kuulutedus ja §773, 774 Tal.säd. ram.1860.aas. ärra selletedus mis oppust andwa suremba kohtonkäümisest, ent Rosenblatt es olle sellega rahhul tolleperrast, et tühjas mõisteti, ja wimate sai neile ka §881 perra se trükkito oppusse leht wälja antus.

Päkohtomees Jürri Waldmann XXX

Kohtomees Tannil Purge XXX

Kohtomees Tannil Oinas XXX

Kirjotaja /allkiri/

Copia Kihhelkonnakohtule