Ette tulli Kioma wallamees Jakob Kibben ja kaibas, et temma andno Septembri kuul 1877.a. Jaan Puutkale 20 rubla wilja ostmisse päle, ent temma ei ollew seni ajani wilja tolle rahha eest ei ka sis pea todda antut 20 rubla käerahha tälle kätte tonu, ja nõudis ülle to 20 rubla käerahha ja kahjotassomisse eest 30 rubla.

Sellepäle kutsuti Jaan Puutka kohtu ja loeti eensaiswa kaibus ette, ja temma ütles kül 20 Rubla käerahha sanu ollewat, ja kaup olno tettu Wõrro linan ja ka leppingo täht tolle päle antu, kos saisno, et üts mõõt nisso  1 rbl 50kop.ja päle too wino ärra wilja, ent Jakob Kibben pakno wähhamb ja ennege üts rubla nisso mõõt, ent selle päle ei wõino  ennamb temma wija, ja sis üttelno ka Jakob Kibben tälle Wõrro linan ärra tolle wilja, sest nisso hind um alla saddano, ent leppingu tähhe pääl olno termin 10.Novembrini 1877.a.  ke ka temmal ollew ärra kaddono. 

Kohtomõistus: Kunna  selle man tunnistust ei olle, sis mõista meije, et Jaan Puutka peap to 20 rubla sel 10-tal Nowembril s.a. Jakob Kibbenale kätte masma.

Se kohtomõistus sai kohtonkäüijle kulutedus ja §773 ja 774 Tal.säd.ram. 1860.a.  perra ärra selletedus, mis oppust andwa suremba kohtonkäümissest, ja Jakob Kibben es jä tolleperrast selle mõistmissega rahhul, et mis kahjotassomist tälle es mõisteda, ent Jaan Puutka jäije selle mõistmissega rahhul, ja wimate sai neile §881 perra se trükkito oppusse leht wälja antus.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja /P.Haberland/

Copia Kihhelkonna kohtule