Sell sammal päiwal tulli ette Reino Peter Pedok, Perremees, ja kaibas ülle omma sullase Michel Kollo, et se om tedda Wargas söimann ja nimmelt, et Peter Pedok ollewat Michel Kollo kastist, kea Perremehhe aidan seisab, 300 Rubl. warrastanu, pallel sedda Meest trahwida, nisuggutse häbbemata wölsi est, selle et Michel Kollol ei olle Maa pääl ni paljo rahha ollnu, wait ollewat weel ilda aigo töiste käest 10 Rubl. lainanu.

Michel Kollo ettekutsutud, ütles, et temmal om küll 300 Rubl. ommast kastist warrastatud ja arwas, et sedda keagi muu ei olle warrastanu kui temma omma Peremees, selle et Ait om terwe ja Kast om lahhutus, ni kui et temma sedda rahha 4mal Webruaril Tartoliinan Suure Turro päl, rathuse poole minnes, ollewat läudnu ja ollewat sedda olnu:

Et temmal wistist ni paljo rahha om olnud, woiwad tunnistada: Johann Mikkelsar ja Hindrik Mällo , kea temma man käinud ja sedda rahha näinud.

Johan Mikkelsar ettekutsutud ja selle Assja perrast küssitud, ütles wälja, et temma ei olle mitte Michel Kollo käen ni paljo rahha näinu, wait arwata üts 8 ehk 10 rubla.

Hindrik Mällo ettekutsutud ütles wälja, et temma ei olle mitte Michel Kollo käen ni paljo rahha näinu, wait enneki 10 Rubl katti temma Jakob Kollo käest ollewat lainanu.

Sai moistetud: Michel Kollo peab tühja Kaibusse est 6 Rubl Waste ladiko sisse maksma.

Se Moistminne sai § 773 jerräle kalutud.

Peter Kutzari XXX Jaan Tennosar XXX Peter Akkert XXX 

Widrik Harkman XXX Jakob Hansor XXX