Ette tulli Päkohtomees Jürri Waldmann ja kaibas, et minnewa kohtupäiwa õddangul ollew Thomas Massa hirmsahe trotsnu, ja nimmetano tedda Maggasi wargas, ja pallel sedda asja selges tetta. ja süüdlast sädusse perra trahwi.

Sellepäle kutsuti Thomas Massa kohtu ja loeti eensaiswa kaibus ette, ja temma ütles kül Päkohtomeest Jürri Waldmanni süddame wallost,(tolleperrast, et temma kohto asjo ei selletawat) tedda wargas nimmitsenus.

Tunnistaja Kristop Worb ütles ka kuulwat, kui Thomas Massa rööknu ja üttelno Maggasi warras.

Kohtomõistus: Kunna Thomas Massa om julgenu Päkohtomeest trotsi ja wargas nimmita, sis massap Thomas Massa  14 päiwa aja sissen 6 rubla trahwi walla waeste ladiko.

Se Kohtomõistus sai Kohtonkäüijle kulutedus ja §773 ja 774 Tal.säd.ram.1860.a. ärra selletedus mis oppust andwa suremba kohtonkäümissest ja kaibaja jäije rahhul, ent Thomas Massa tolleperrast mitte et mis tälle trahwi mõistedi, ja wimate sai neile §881 perra se trükkito oppuse leht wälja antus.

Päkohtomehhe assemel Tanil Oinas XXX

Kohtomees Tanil Purge XXX

Abbi kohtomees Jakob Kõiw XXX

Kirjotaja /P.Haberland/