Ette tulli mõtsawaht Jaak Kötz ja kaibas, et Wastselina mees Peter Holder ollew selle mõisamõtsast üts koorma 1½ Arsina pikka hawapuid warrastanu, ja tolleperrast nõudis 5 Rbl trahwi.

Sellepäle kutsuti Peter Holder kohtu, ja loeti eensaiswa kaibus ette, ja temma andis wastust, et ni olno temma henda puu, mis temma Wõrrole müwwa wino, ja ei ollew mitte Salusse mõtsast puid warrastanu.

Tanis Uns andis tunnistust, et Peter Holder tulnu tälle wasto, kui Wõrro lina puiega lännu, ja olno Salusse mõtsa puu pääl.

Kohtomõistus. Kunna tunnistaja om etno pu olno selle mõisa mõtsast, keddi Peter Holder Wõrro lina wenu, sis peap Peter Holder 14 päiwa aja sissen 3 Rbl trahwi selle mõtsawahhi kätte masma. Se Kohtomõistus sai Kohtonkäüijle kulutedus ja §73.774 Tal.säd.ram.1860.a. ärra selletedus, mis oppust andwa suremba kohtonkäümissest, ja Jaak Kötz jäije selle mõistmissega rahhul, ent Peter Holder tollep. mitte, et mis temma trahwi masma peap, ja wimate sai neile §881 perra se trükkito oppuse leht wälja antus.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja /P.Haberland/

Copia Kih. Kohtu