Ette tulli Katri Kallasse ja kaibas, et temma tulnu Talwiste pühha Wastselina kerrikost, ja tulnu Peter Purge Jakobi p.,Jaan Purge Joh p., Pitre Purge Jani p. ja Jaan Massa Thoma p. tee pääl perra, tõmmanu wäggusi tedda ree päle, ja lahkno temma rätti katski, mis 4 aasta eest ostnu 4 Rbl 40kop. ja wõtno ka 2 hõbbesõrmust ärra, ja lasknu tedda mitte ärra minna enne õddangut.

Selle kutsuti kaibatawa kohtu ette, ja kulutedi eensaiswa kaibus, ja nema ütliwa tedda kül päle wõtno ollewat ja ka 2 sõrmust wõtno, ent ärra minnekit es keelnu, wõip olla et ka rät olno katski, nema kül ei kiskno.

Kohtomõistus: Kunna ne poisi wäggusi tüdruku päle tõmmanu ja ka sõrmusse wõtno, ni häste sis ka rätti katski kisknu, sis peawa Peter Purge, Jaan Purge, Pitre Purge ja Jaan Massa igga üts 50 kop rätti eest Summa 2Rbl.ja 2 sõrmust Katri Kallassele taggasi andma, ent trahwis igga üts 2 Rbl Summa 8 Rbl 14 päiwa aja sissen walla waeste ladiko masma.

Se Kohtomõistus sai kohtonkäüijle kulutedus, ja §773 ja 774 Tal.säd.ram. 1860.a. ärra selletedus, mis oppust andwa suremba kohtonkäümissest, ja kohtonkäüja jäiwa selle mõistmissega rahhul, ja wimate sai neile §881 perra se trükkito oppuse leht wälja antus.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja: /P.Haberland/