Ette tulli Wannamõisa rentnik Jaak Jassik ja kaibas, et temmal olno minnewa kewwaja Soldat Kusta SAnder hendale aasta päle sullases leppitu, ja käerahha antu, ent aasta palk olno 35 rubla ja 1/2 wakkala linnaseemed mahha külwa leppito, ja ka 5 Rubla palka ette antu, ja Kusta Sander teninu tedda ennegi 3 näddalit, sis jänu haiges ja lännu ärra, ja ollew seni ajani ärra jänu, ja pallel sädusse perra mõista.

Sellepäle kutsuti Kusta Sander kohtu, ja loeti eensaiswa kaibus ette, ja temma ütles kül ni ollew, ja ka 5 rubla palka sanu ollewat, ni häste ka 3 näddali perrast ärra lännu,tolleperrst et temme haiges jänu, ja perremees ei ollew tälle haigusse ajal süwwa andno, ei ka terwes samisse eest hoolt kandno, ja päle to ei ollew tenistuste taggasi kutsnu, kui tema parrembas sanu, ja muidugi ollew temma kõhna tervussega, ja ei jõudwat rasket tööd tetta.

Kohtomõistus: Kunna Kusta Sander kõhna terwussega, ja ka Jaak Jassik tema eest hoold ei kandno haigusse ajal, ni häste ka seni ajani tenistuste taggasi ei kutsnu, sis peap Kusta Sander to 5 Rbl Jaak Jassikule 14 päiwa aja sissen taggasi masma, ja Jaak Jassik peap tollega rahhul jäma.

Se Kohtomõistus sai kohtonkäüijle kulutedus, ja §773 ja 774 Tal.säd. ram. 1860.a. ärra selletedus, mis oppust andwa suremba kohtonkäümissest, ja Jaak Jassik es jä tolleperrast selle mõistmissega rahhul, et mis weidi mõistedi, ent Kusta Sander jäije rahhul, ja wimate sai neile ka §881 perra se trükkito oppusse leht wälja antus.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja: /P.Haberland/

Copia kihhelkonna kohtu sadetu.