Wannamõisa rentnik Jaak Jassik  olli omma kandimehhe Hans Sandraga omma tettu leppingo perrast ni häste ka poja tenistusse perrast kohtu ette tulnu ja nakkasiwa ommi asju selletama ja andsiwa tunnistaijt ülles, ent sellepäle ütles Hans Sander kange hälega Jaak Jassikule, et sinna olet se kige hirmsamb kiskja, kedda es jõwwa õiges tetta, ja Jaak Jassik pallel sädusse perra selle trotsimisse ülle kohut mõista.

Kohtomõistus: Hans Sander peap selle kroppu sõnno eest öö ja päiw kogokonna türmin vee ja leiwa ja omma kullo pääl ollema. 

Se Kohtomõistus sai kohtonkäüijle kulutedus ja §773ja 774 Tal.säd.ram.1860.a. ärra selletedus, mis oppust andwa suremba kohtonkäümissest, ja kohtonkäüja jäiwa mõllemba selle mõistmissega rahhul.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja /P.Haberland/