Ette tulli lambanahha parkja wennelanne Stepan Julew, ja kaibas, et Tõllija kõrsi man ollew Peter Habba wäggusi temma käest ütte pestu lambanahha 12 kop eest ärra wõtnu, kunna temma selgede ei sanu makeli üttelda, et nahha pesminne massap 12 kop.

Sellepäle kutsuti Peter Habba kohtu ja loeti eensaiswa kaibus ette, ja temma ütles kül wennelasse käest ütte pestu lambanahha 12 kopka eest ostnu ollewat, ent mitte wäggusi käest wõtnu.

Kohtomõistus: Peter Habba peap to pestu lambanahk wennelassele kätte andma ja wennelanne to 12 kopkat jallapäält Peter Habbale wälja masma, ja Peter Habba massap 14 päiwa aja sissen 2 rubla trahwi.

Se Kohtomõistus sai kohtonkäüijle kulutedus ja §773 ja 774 Tal.säd.ram. 1860.a. ärra selletedus, mis oppust andwa suremba kohtonkäümissest, ja kohtonkäüja mõtliwa perra ja jäiwa mõllemba selle mõistmisega rahhul.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX 

Kirjotaja /P.Haberland/