Ette tulli Adan Tens ja kaibas, et perremees Hendrik Pudersell ollew tedda töö mant ärra ajanu, kos ka tunnistaja man olno, ja wõtwat ei ennamb taggasi, kunna temmal aasta päle leppito olnu, ja aasta olno leppito; 8 rubla rahha, 4 wakka rükki, 4 wakka keswi, 2/3 wakka linna seemnid, 3 penart kapsit, üts lehm ja 2 lammast ülle talwe piddada, ja ollew ärra sanu 2 wakka keswi ja karthwli saak.

Sellepäle kutsuti Hendrik Pudersell kohtu ja loeti eensaiswa kaibus ette ja temma andis wastust, et rüa rehhe olno pessa ja temma käsknu Adam Tensil rükki rehhest wälja kanda, ent ei ollew kuulnu, waid Adam Tens rabbanu eddasi, selle päle pahhanu temma ärra, et sullane ... kõrralist käskmist ei kuulnu, ja käskno rabbamast ärra minna. Hendrik Peets andis tunnistust, et Hendrik Pudersell käskno Adam Tensil rükki rehhest wälja kanda, ent temma kostnu wasta, minnul omma rinna haige, minna ei wõi tolmu kätte minda, minna parremb rabba, selle päle wõtno H.Pudersell pengi ärra ja käskno töö ärra minna. Andrus Luik ja Hendrik Blum andsewa pärast samma tunnistust.

Kohtomõistus: Kunna Hendrik Puderselli ja Adam Tensi wahel ühtepuhku tülli om, sis mõista meije, et Adam Tens jääb sest päiwast prii ja Hendrik Pudersell 14 päiwa aja sissen tälle palka 4 rubla, 2 wakka rükki ja linnasäse ka, ni häste annap prii korteri kuni aasta lõppenguni.

Se kohtomõistus sai kohtonkäüijle kulutedus ja §773 ja 774 Tal.säd.ram. 1860.a.ärra selletedus, mis oppust andwa suremba kohtonkäümissest ja Adam Tens jäi selle mõistmissega rahhul, ent H. Pudersell es jä tolleperrast, et mis sullane priis mõistedi ja weel nii pallo palka, ja wimate sai neile §881 perra se trükkito oppusse leht wälja antus.

Päkohtomehhe as.:Tanel Oinas XXX

Kohtomees: Tanel Purge XXX

Kohtomehhe abbi: Jakob Kõiw XXX

Kirjotaja:/P.Haberland/