Noumehka Hans Kossmann ja Jaan Põdder kaibasiwa selle kogokonna kohtole et walla wilja ollewa moisa aita jätno wanna wallawannemba ja maggasini wöörmöndre, nimmelt Mihkel Herrmann ütlewa et 50 wakka rükki ja 20 wakka keswi ja Gottlieb Pijon tunnistab et om jäno 40 wakka keswi moisa aita, selle perräst ei tahha walla perremehhe seddä puuduse wilja rahha ei ka wiljaga perrä massa.

Puuduse wilja om loetud rükki 77 tsetwerti 24 karnist, keswi 24 tsetwerti 15 karnist ja karu 13 tsetwerti 32 karnist.

Mihkel Hermann wanna wallawannemb ütleb et moisa aita on antu 50 wakka rükki ja 20 wakka keswi ent ei tija mitta kas omma wälja woet ehk mitte.

Gottlieb Pijon soldan ütleb et moisa wallitseja C. Siwting ollewa tälle Pihkwa tee pääl selletano et moisa aidan ollewa jäno wanna wallawannemba Widrik Warriko 40 wakka keswi - kõnnelemisse man ei olla keägi kuuljad olno.

Widrik Warrik wanna wallawanemb, ütleb et temmä Gottlieb Pijon´iga selle asja ülle middagi könnelno ei olle nink moisa aidan üttegi maggasini wilja ei tija jäno ollewa wanna wallawannemba Widrik Warriko ei ka Mihkel Herrmanni ajast.

Moistetud sai

Sest kui moisa aidan peäsi maggasi wilja jäno ollewa, nink walla perre ommawa siin ka kiik tunnistano et nemmä kunnagi koggokonna masso wilja wolgo jäno ei ollewa siis peawa need wannad wallawannemba tagan otsima seddä maggasini wilja mes moisa aita om jäno nink ka mes selle puudus wiljäle weel waija tulleb arwole seddä peawa kiik need wannad maggasi aida ammeti mehhe massma, nimmelt:

Widrik Warrik, Mihkel Herrmann, Peeb Kerge, Johann Messijas, Mihkel Pijon, Peter Jaanimäggi ja Mihkel Zillmer, kes selle moistmisega rahhu ei tahha olla peäb suuremba kohto sisse kaibama.

Päkohtomees Mihkel Kolga xxx

Kohtomees Peter Jaanimäggi xxx

" Jaan Wenzli xxx

Kirjotaja W. Ackel