Ette tulli Ann Kihholane, mansaisja olli Peter Erik ja kaibas et Johann Tuwwi olewat tedda hobis ilma süüta ösel kõlguse läwwe pääl karjawitsa tüwwega pesnüd nink weel mahha tõuganu nink temä sellest pesmisest haiges jänü sis nõwwap 10 Rbla walu rahha ja trotsmise eest trahwida nink olewat tunnistaja Tannil Hak  Tijo Zirrel ja Karl Pilt.

Johann Tuwwi ütles et temä ei ole mitte Ann Kihholast pesnüd.

Tunnistaja Tijo Zirrel Lutteri usku ütles wälja et Ann Kihholane tulli õddangusel pimmega koddo kiskus kõlguse ust wallale ent us olli kinni nink sis tulli üts saapastega kõlguse takkast ja nakkas Ann Kihholast pesmä ja Ann Kihholane tännitäs appi appi ärrä tappetas ent kes se pesja olli sedda mina es näe muud kui kuuli enne.

Tunnistaja Tannil Hak Lutteri usku ütles wälja et mina kuuli ka et appi tänitas ja pesmise helli olli ent kes pessis, sedda mina es näe.

Tunnistaja Karl Pilt Lutteri usku ütles wälja et pesmise helli ole mina kül kuuldnu ent ei ole mitte nännü kes Ann Kihholast pessis ent tülin olliwa kül Johann Tuwwi ja Ann Kihholane pool tõist aastat nink sel sammal päiwal oliwa weel Johann Tuwwi naine ja Ann Kihholane tülin.

Moistet:

Et arwata et Johann Tuwwi iks Ann Kihholast pesnu om sis peap Johann Tuwwi Ann Kihholase haas 5 Rbla walu rahha masma.

Se moistmine om §773 ja 774 perrä kulutedu ja oppusleht wälja antu.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa

Johann Tuwwi protokoll wälja sanu sel 11 Octob 1885