Kaibas Moisa Wallitsus, et Saare Jaan Ollewa Turro Katte Tallu man alwa körda piddanut, ni kui siin seisab:

1. Rentnik Jaan Eichenfeldt ollewa Turro Tallude Mõtsa mait ennemb kui kats Jäggu prukinusse all piddanut.

2. Tallu Tarre ning mu Honet ommawa alwa ning mäddanu, üts Karja Laut ning Ait puduwat hopis.

3. Aijadema ollewa Nurme sisse wõtnud, lissan ollewa ka Toa Wilja prekinut ning ollewa ka suremb Jäggu Aid pudus. 

4. Nurme Laugude wahhe Penrat ollewa puhtast ärra künnut, ni et ennamb suggogi arwo ei sa.

5. Üts Jäggu Haina mait ollewa Wõra Innimeeste kätte tetta antud ning üts Tük ollewa hopis teggematta, wai nitmatta ning ollewa ka kik Hainamat holetusse perrast Mõtsa kaswanut ning

6. ollewa särasse allwa ollemise perrast ka Nurme arriminne hukka lännu. 

8. ollewa Kaibataw päle to 49 surt Puut, mis Palki kõlbulisset olnu mahha rajgunut, arawamisse perra Küttisse tarwiks.

9. Ollewa Moisawallitsus Koggukohńna Kohtu poolt to Wilja, mis Mõtsa maisi pääl leitud,kinni kelanut,moist ollewa kaibataw omma lubbaga ärra weddanut.

Wastab Kaibataw Jaan Eichenfeldt:

1. Punkti päle: temmal ei ollewa mitte todda kän olnut, mis temmal oigus om sada, olnu Kontrakti perra söti om kästud künda temmal kui ta küttist om küssinut.

2. temma ollewa Tallu Tarre Warju all hoitnut ning to man ollewa temmal Tunnistusse. Ait ei olle mitte Pudus, ent pool kattust ollewa pudu, üts sullase Laut ollewa pudus ning ka sullase Kün, lubbab kaibataw neit seddamait tetta kui Mois Palkit annab.

3. Toa Wilja ollewa to suggo prukinut, sest et tal Kontraktin ei olle üttel, mis wilja ta pean ajan teggema.

Nurme sisse ei olle ta Aija maat mitte wotnut, ent Aido, mis pudus om, noid lubbab ta tetta. 

4. Kontraktin ei ollewa temmal middagi kirjutetu, et temma Nurme Laugade Peenrat peab piddama. Ütleb weel, et Karti peal ei pea ka suggogi Peenrait ollema, temma ollewa enne Ma plats kätte antud, Peenrist middagi Jutto ei olle olnut.

5. Woera Innimeeste kätte temma Hainamaat ei olle wälja tetta annut ning om lasknut kuk kohhad, kus woimalik om tetta, ärra tehha ja mõnni koht weel rahha est. Hainamaat ollewa temma puhhastanut ning ka weel Haino sisse ostnut.

6. Nurme arrimisse kõrd ollewa temmal hä, to ollewa 800 Punda Haino ostnut ning ka 440 Punda Oelgi ning ollewa to kik Turro ma sittast sanut.

8. Ollewa temma Kindralli Herraga ärra leppinut minnewa Kewwadel, sis kui temma om tahtnut kohtu menna ollewa. Kindral temmal üttelnut, "ärre minne ja leppinu ärra, sul om lubba ragguda, mis wannamb Mõts om". Ollewa temma ka no Puut, mis kõlbolisset olnut Hone sisse pannut. Nurme Warjamisse perrast ollewa temma raggunut noot Puut mahha.

9. ei olle temmal kegi toat Wilja noide Mõtsa maja päl kinni kelanut ning ei olle ka kegi sedda kohheki Wilja Hunniku mannu kutsunut ning ütteltud, et to Willi sab kinni pantud, lubbab keik ärra weddadä. 

Ütleb weel Kaibataw, et temmal ollewa 11 wakka lla maat pudus. Kulutab weel Kaibataw, et temma ollewa katte saja rubli Banko est Haino ning katte kümne rubli est Oelgi essi olle temma müinut. 10 rubla oebbeta est Haino wälja Palloperra Moisa - noab müüt Kaibataw, et Mois peast to rahha temmal wälja massma kui ta Tallu ärra annab ning ütleb weel to man, et temma enne mitte Talust suggogi wälja ei lähhe kui to rahha temmale sab.

Moisa poolt wälja maksetud.

Mis päle arwab kohhus häs, et Kaibataw Saare, peab neet Tallut  sädusse perra kõrda sätma ärra andmisse ajaks ning neet Nurme Peenrat peab kaibataw kõrda sätma kui Tallu ärra annab.

Neet muut kaibusse Punktit jäwat siin arwamatta ning Kaibatawa noutminne Moisa est jäb sennist kui Ma mõtsa to Tallu arwa sab selletanut, sepärrast ei woi se kohhus to ülle middagi moista.