Tulli kaibussega moisawallitsus ette. Moisawallitsus olli körtsimehhele käsku andnu, et ni pea kui kel 8 om, peap körtsi us kinni pantus sama; körtsi mees olli sel 19 Januaril ka moisawallitsuse kässu perra körtsi usse kinni panna, ent ni pea kui us olli kinni pantu, tulliwa kolm meest: Sawilöwi Jaan Herbst, Heringe Jaan Ismael nink weel üts Koigo walla mees nink tahtsewa sisse tükki: Körtsimees olli neid pallelnu ärraminna nink üttelnu, et temma ei tohhi körtsiust walla tetta, ent nemma lubbanu usse sisse lüwwa, nink perrast lännuwa kirjotaja tarre akna tade nink käsknuwa wäljatulla. Sepäle lännu kirjotaja nink kutsnu nore herra von Samsoni ka appi nink lännuwa neid wäljaajama: Koigo walla mees nink Heringe Jaan Ismael ommawa häga wälja lännu, ent Sawilöwi Jaan Herbst om kroppis sanu kirjotaja nink nore Herra von Samsoni wasta, om neid wäga roppust söimama nakkanu nink perrast ärrasöitnu.

Sepäle selletas Sawwilöwi Jaan Herbst et temma om Wörro linast tulnu nink om tubliste olnu wina sanu, nink ei tija mitte mes temma joobnu päga om üttelnu.

Kohhus möistis sepäle, et Jaan Herbst nakkas wäggiwalda pruukma nink pälegi roppu suga noort Herrat söimama nakkas, temmale üts ihho trahw 25 witsalogiga.