V. Sesamma moisawallitsus kaibab kubja paele, et temma om perremeeste ma paele linnu ja wilja pruuknu ja nimmelt olnu:

1 Mikko Johan Gross ma paele linnu 

2. Rampe Peter Koolmeister ma paele linnu

3. Thari Hans Saul ma paele linnu

4. Thari Jürri Püwwi ma paele karu

5. Juksi Hans Miller ma paele karu

6. Saksumatsi Jaan Gross ma paele linnu

7. Saksamatsi Pedo Fischmann ma paele linnu

8. Werresse Dawid Suija ma paele linnu

9. Wedro Peter Leppik ma paele linnu

10. Korsna Rein Papagoi ma paele Linnu

11. Laatsi Rein Adler ma paele karu

12. Surejani Jakob Gross ma paele karu

1 Mikko Johan Gross, lutterussu om omma ma paele kubjale 1/6 wakka linnasemend ja üks wak kartowlit piddanu, mis eest kubjas temmale poimo al lubbanu omma abbist anda, mis temma agga ei olle tenno ja niit tahhab Johan Gross kubja kaest 3rbl.

Kubjas ütleb et temma naine om Johan Grossiga sedda kaupa tenno ja lubbab kolm rubla temmale maksa.

2 Rampe Peter Koolmeister ei olle kohto een tulnut.

3 Thari Hans Saul lutterussu om kubja kaest 3 toopi linnasemend lainanu ja selle eest temmale natoke linnu andnu nink 3 toopi öllut kokko ärrajoonu.

4. Thari Jürri Püwwi ei olle kohto een tulnut.

5. Juksi Hans Miller, wenneussu om omma sementega 1 wak kaero omma ma paele mahha külwano ja sest 5 wakka poimano ja wehl 3 wakka kaeru kubjale ärra andnut. Sedda om temma keik tenno, et kubjas tedda rahhule jättab ja ei kiusa tedda.

Kubjas ütlep et temma ei olle perra mötnu paljo ta kaero saanu, agga temma arwab et 4 wakka om olnut, ja üks wak semend om temma ende olnut, ja temma ei olle ka teadnut et se om ärrakeletud talopoija maade paele linnu ja wilja tetta, se om jubba wannast sandik ni olnut ja jäewad ka perrast tedda.

6. Saksamatzi Jaan Gross lutterussu om omma ma paele 1/6 linnu kubjale pidanu ja kubjas om ne linna mis saelt sanu ütte sullasele 9 rubla eest ärramüno. Kubjas om lubbanu temma kiusuda selleperast om temma ne linnu mahha tenno.

Kubjas tunnistab sedda öige ollema, agga Jaan Gross om sedde heamelega tenno.

7. Saksamatzi Pedo Fischmannil lutterussu om nisama kubja est hirmo olnut ja om sellepärrast temmale 1/6 wak linnu mahha teinut, ja kubjas om saelt 1½ punda linnu saanu, ja ei olle temmale selle maa prukimisse eest mitte keddagi maksnut.

Kubjas om Peedo Fischmanni kaest üks weike lehm 16rbl. eest ostnut ja arwab sedda nikallis maksnu et temma selle maapruukimise eest ka om omma maksu sanu.

8. Warresse Dawid Suija, wenneussu om hirmo pärrast omma ma paele 1/3 wak linnu kubjale mahha tetta lasknut ja ei olle selle eest middagi maksu sanu.

Kubjas ütlep muud neist linnas sanu kui omma semend jälle taggasi.

9. Wedro Peter Leppik, wenneussu om nisamma hirmo pärrast kubjale 1/3 wak linnu mahha teinut ja kubjas om ne linnu ärrawino, ja temmale mitte keddagi maksnut.

Kubjas ei tea neist linnust mitte keddagi ja ütlep et Peter Leppik temmale om wastulinne üks olnut, sellepärast et ta kubja üllesandmise perra trahwitut sano.

Karjus Karel Eberling om Peter Leppiko ma paele kaswanu(rukki) linnu kubjale likku nänno ja esi pandnu.

10.Korsna Rein Papagoi ,wenneussu, om hirmo pärast ja ilma maksu kubjale 1/4 wak linnasemend mahha teinut.

Kubjas ütlep et se om 5 aasta een olnut ja mitte Rein Papagoi ma paele, se om moisa ma olnut.

11. Laatsi Rein Adler, wenneussu om Kubjale 3 rubla wölgo olnut mis eest temma 1 wak kara tale mahha tenno.

Kubjas kitab sedda öige ollema, ja ütleb et temma ei olleks mitte tallo maade paele linnu prukinu, kui ta olleks wehhe tednut et se saeduse wasto om ja kui keski olleks sedda enne perra käino.

12. Surejaani Jakob Gross om wallitsuse kitmisperra eksitusse läbbi ülles andnut ja ei olle kohtu een tulnut.

Sai moistetus : Kubjas maksab se siin alla nimmetu wisi maa prukimisse eest

Thari Hans Saul maa est                                  25kop.

Juksi Hans Miller maa est                      4rbl.

Saksamatzi Jaan Gross maa est            6rbl.

Saksamatzi pedo Fischmann maa est  3rbl.

Warresse Dawid Suija maa est              4rbl.

Wedro Peter Leppik maa est                4rbl.

Korsna Rein Papagoi maa est                3rbl.

Laatsi Rein Adler maa est                       1rbl. 50kop. 

                                                 Summa     25rubla 75kop.