Tulli selletus kümnisse masmisse perrast. Perremees Karl Neiman nink perremees Karl Raut ommawa 5 aastat Körwa tallo poles piddanu, nink om neil möllembil 2 1/2 lammast selle 5 aasta sissen kümnisses massa olnu; Karl Neiman om 3 lammast, nink Karl Raut 2 lammast masnu. Karl Neiman sai Aprili kuul sel aastal majast walla nink Karl Raut jäi weel 6das aastas maija. Nüüd nöudnu Karl Neiman temma käest poolt lammast taggasi, ent Karl Raut om tennawo aasta jälle ütsinda masnu nink temma pole majamees Jaan Landra ei olle tennawo middagi moisa masnu, selle perrast arwas Karl Raut henda walla ollewa nink ei mitte henda kohhus ollema Karl Neimanile massa.

Et Karl Raut selle 6 aasta sissen täwweste omma lambat om moisa masnu, nink sel wimatsel aastal pole lammast Jaan Landra eest om masnu, möistis kohhus Jaan Landral pool lammast Karle Neimanile massa; ent Jaan Landra es lubba mitte massa, nink sai kohto een kroppis, kui kohhus keelt, sis nakkas temma weel ennamb, lei jalga wasta maad nink üttel: "Ma ei massa!! - Se eest moistis kohhus Jaan Landrale üts ihho trahw 20ne witsa lögiga.