Karl Sik ütles protokolli Nr 6 perra et

1. 2 kõrd ole kül Lannemetsast krami tonu

2. Walgan ja Lannemõtsan ei ole mitte Andre Kirst wankriga käünü

3. Hainu ei ole mina temäl ärra söötnü enge mina tõije weel temä maija hainu.

4. Olgi es oleki Andre Kirstul

5. 1 Zetwert keswi ka ei ole wõlgu

6. Wõrrul ole kül temä wankriga käünü

7. Rüggä ole mina hendäle tennü, sest mina tulli leppingu perrä koddo wäüs ja perremehhes nink ei lähhä ka enne ärra kui Andre Kirst minu kahjo ärra tassup

8. Ristik haina seemnid ei ole Andre Kirst minole kewwäde andnu.

9. Andre Kirst om Karl Pihhorid orjanu ja selle tööd tennü ent minu käest om weel süük sanu.

10. Kängitsemine el ole minul ka leppitü.

11. Kapstaleeme omma õige ent Andre Kirstu perre sööp ka neid kapstid.

12. maad om enne 3me wakka maa kündmäta jänu.

13. Kui Andre Kirst mõtsa annap, sis weä mina ka puud.

14. Krami weddämise aigu ei ole süütnü.

15. Hobbese jahhu ei ole andnu.

16. Karjus om jo Andre Kirstu karja kaitsnu ent Andre Kirst om meije leppingu katsgi murdnu ei ole minole maad andnu ni kui lubbasi nink meije assi om jo muidogi Kreiskohtun.

Moistet:

Et Andri Kirst essi Karl Sika petnü om ja omma leppingut katsgi murdnu sis om temä kaibus selle pohja päle kiik tühjas moista muud kui rüä sawa kewwade üle mõdetus et nätta saap kas om weidem külwetu. Karl Sik peap masma Andre Kirstule

Maakündmise eest     3 Rbl.

Kapsta leeme eest               50 Kop.

Wankride eest           2 Rbl.

     Summa                 5 Rbl  50 Kop

Se moistmine om §773 ja 774 perra kulutedu ja oppusleht wälja antu.

Pääkohtumees K.Lõhmus [allkiri]

Kohtumees Jaan Oppar XXX

Kohtumees Peter Kallman [allkiri]

Kirjotaja J.Jõgewa