Ette tulli wallawannemb J.Kuk ja kaibas et Siksali möldre Jakob Tirrul wõtnu 2 näddalid enne Jaani päiwa wee üles ni et kikke niitü arwata 3me wakka man wee al saisnu ja hain ärra mäddanü ja 2 jalga wessi niidü pääl saisnu nink 5 koormat hainu kaotanu selle wee perrast sis nõwwap 25 Rbla kahju tassomist sest kui Kuk päle Jaani päiwä sedda haina teggema lännü sis lasknu möldre jälle wee päle.

Jakob Tirrul ütles et mina sääl piiri ei tija nink mino kontrakt ei kelä minol mitte wett üles wõtmast ei ka wallale laskmast kui J.Kuk arwap, sis woip tema moisawalitsuse wai perrisherrä päle kaibata.

J.Kuk nõwwap möldre käest kahjo tassomist sest et möldre se wee üles om wõtnu.

Kohtumees Peter Pranz om üle kaenu ja om löudnu et J.Kuke jao pääl om kül liggi 2 jalga wett saisnu arwata kolme wakka maa pääl.

Moistet:

Jakob Tirrul peap J.Kuk hääs selle haina maa eest 9 Rbla kahjo tassomist masma selle perräst et weski wessi J.Kuk'e niidü pääl saisap.

Se moistmine om §773 ja 774 perrä kulutedu ja oppusleht wälja antu.

Kohtumees Peter Kallamn [allkiri]

Kohtumees Peter Prants [allkiri]

Kohtumees J.Opar XXX

Kirjotaja J.Jõgewa