Ette tulli Ado Pilt ja Johann Tuwwi ja kaibase et Siksäla moisa weski möldre Jakob Tirrul laskwat järwest mäe poolt wett oma weski päle nink kui jahwatus sis josep se wessi Ado Pilti niidü päle ala pole weskid 10-e wakka maa päle ja Johann Tuwwi niidü päle 30 wakka maa nink sis ei kaswa se hain niidü pääl ja ei sa ka haina ärra tettä.

Ado Pilt arwas oma kahju 100 Rbla ja Johann Tuwwi arwas oma kahju 150 Rbla nink pallewa kohhut et se weski kinni saisap ehk ei jahwata 4 näddalid enne Jaani päiwa ja 4 näddalid päle Jaani päiwa. Wallawannemb kaibas ka et walla ostetu haina maa päle ka selle samma weski perrast wessi saisap ja nõwwap ka et wessi wallale josep sädüse perrä.

Se koggukonna kohhus om käsknu möldre Jakob Tirrulil wett alla laske nink mitte mitte järwest ennamb päle wett laske ent möldre Jakob Tirrul ei ole sedda mitte täütnü.

Otsus:

See Protokoll Ütte Keiserliku Wõrro Maakohtuhe saata ja pallelda et Keiserlik Kohhus sedda asja selletas nink selle kaibuse asjale otsa teep.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa