Protokolli Nr 41 perrä tulli ette Andre JasonKiomast ja ütes et mina sõidi kül kurralt poolt möda Jaan Wesperi ette ja olli ka minu wankrin Jakob Redo joobnu ja Peter Jason ent Jaan Wesperi hobbese külge ei ole mina ajanu nink Jakob Kalmann istus essi oma hobbese pääl oma essä man, ent kuis se Jaan Wesperi hobbese jalg katsgi läts, sedda mina ei tija.

Peter Teppo olewat haige.

Peter JasonLosist ütles et mina iste ka Andre Jasoni wankri perrä pääl nink ohja olliwa Andre Jasoni käen, ent kuis se Jaan Wesperi hobbese jalg katsgi läts, sedda mina ei tija.

Tun. Abram KuljusLosist Lutteri usku ütles et kui mina järgi sõidi, sis tõstis jo Jaan Wesper hobbest üles ja kaibas et Andre Jason ja Peter Jason aijewa mino hobbese jala katsgi ent muud mina ei ole nännü.

Jakob Redo ütles et mina olli joobnu ja mina ei tija middagi.

Jakob Kalmann ütles et mina iste oma wankri pääl oma essä man nink sõidi sis järgi kui jo hobbese jalg katsgi olli aetu enne meid ent kes sedda hobbese jalga katsgi aije sedda mina ei tija.

Tunnistaja Abram Kuljus ütles weel et pulma pääl olli kül Andre Jason selle hobbese jala katsgi ajamise perrast murrelik ja ikkis weel tõisel päiwäl ent et tema hobbese jala katsgi om ajanu, sedda mina joht ei ole nännu.

Se kohhus om sedda hobbest arwanu 60 Rbla wäärt olewa olnu.

Moistet:

Andre Jason peap 2/3-tiku sedda hobbese kahjo, se om 40 Rbla Jaan Wesperile wälja masma nink nida et 20 Rbla kuni 29 September 1885 ja 20 Rbla kuni 10 Nobr. 1885 ent kolmas jaggo sedda kahjo jääp Jaan Wesperi omas kahjus.

Se moistmine om §773 ja 774 perra kulutedu ja oppusleht wälja antu.

Pääkohtumees K.Lõhmus [allkiri]

Kohtumees P.Prants [allkiri]

Kohtumees Jaan Oppar XXX

Kirjotaja J.Jõgewa

Andre Jasoni protokoll wälja sanu sel 29.Mai 1885

25 Rbla Andre Jason ärra masnud sel 7. März 1886

4 Rbla weel masnud

24 Rbla Andre Jason om masnu sel 7 Mäz 1886 ninkJaan Wesper 5 Rbl mak ja jääp wel massa 4 Rbl kuni 10 Nob 1886