Ette tulli Johann Kirst ja kaibas et sel 1-sel Aprilil lännü temä Michel Sok mano tiisläri töhö ja viinü oma tiislari riista ütte kastiga mes lukkun olnu sinna sääl ossast tüü riistu wälja wõtnu ja ossast tüü riistu ja 1 tasku uur mes 24 Rbla massap kasti mes mitte lukku püürtü es ole olnu  jänu ent sel 2-el Aprilil löüdnu et kastist tasku uur ärra warrastedu seda wargust om üttelnu temä enne rätsepäle Jaan Kotlile ja Andre Sokale salamahti nink sel 4-tal Aprilil käünu Michel Soka poig tõise wõtmega Johann Kirstu kasti man ja wõtnu säält kastist ka ilma lubbata töö riistu wõtnu sis arwap et Michel Soka kasti wõtti se lukku wallale wõttap, sedda wargust ka Michel Soka ja Michel Soka poig Gusta Soka päle.

Rätsep Jaan KotliTimmo wallast ütles wälja et sel 4-dal Aprilil wõttis kül Gusta SokJohann Kirstu kasti wallale, ent kas wõtmega wai kuis wõttis, ja teggi neide riistuga weidigese aigu ja panni jälle ne riista ärra kasti ja Johann Kirst üttel kül minole sel 2-el Aprilil hommiku et tema tasku uur om ärra warrastedu.

Michel Utzal ütles et Gusta Sok tõstis se kasti kane üles ja meije wõttimi kül neid tüü riistu ent et se kast lukkun om olnu sedda mina ei tija nink sest uuri wargusest ei tija mina midagi.

Michel Sok ütles et mina ei tija Johann Kirstu uurist middagi muud kui täämba kohtumees kaije, sis sündü kül mino kappi wõtti Johann Kirstu kasti ette nink mino kappi wõtti saisap ütte puhku kappi een.

Gusta Sok ütles et kui mina se kasti kane üles tõsti sis olli se kast wallale ent sest tasku uurist ei tija mina middagi.

Johann Kirst ütles et sel ööl kui se uur ärra warrastedi es ole joht kasti us lukku pööratu enge olli enne päle lastu ja wõtti es ole ka een.

Otsus:

Et wargus üle 10 Rbla om, sis se protokoll Ütte Keiserliku Wõrro Maakohtohe saata.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXXX

Kirjotaja J.Jõgewa

Protokoll ärra sadetu.