Ette tulli Jakob Woss ja kaibas et Simon Duckan om tema majan korterin olnu 3 aastat, sanu puu maja kütta ja olnu ka maad põllus tetta 15 Rbla aasta leppitu massu eest, ent nüüd lännü Simon Duckan säält majast ärra ja jätnü se 45 Rbla korteri rahha masmata, sis pallep kohhut se 45 Rbla Simon Duckani käest wälja moista.

Simon Duckan ütles et minol es ole märastgi leppingut Jakob Wossiga sääl majan elada muud kui mino lats käwwe sääl karjan ja teije ka mina mõne päiwa.

Jakob Woss ütles et eddimalt olli leppitü 15 Rbla aastast korteri rahha nink perrast wõtti sis Simon Duckani 5 1/2 aasta wana tütre hendäle kaswolatses selle leppingu al et tüttär om seniajani kaswulatses kuni temä mehhele saap sis rahha massu korteri eest ei ole, ent Simon Duckan wõttis oma tütre kaswolatsest ärra.

Simon Duckan ütles et mino tüttar ei ole mitte kaswulats olnu enge om enne ilma palgata teninü.

Moistet:

Simon Duckan peap 3 Rbla aastast se om 9 Rbla kolme aasta eest Jakob Wossile korteri rahha kuni 1 October 1885 aastal wälja masma.

Se moistmine om §773 ja 774 perra kulutedu ja oppusleht wälja antu.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Peter Kallman [allkiri]

Kirjutaja J.Jõgewa

Simon Duckan protokoll wälja sanu sel IV April 1885.