Ette tulli Peter Kommer ja kaibas et temä perremees Johann Wisse olewat tedda tenistusest wallale tennü ja 21 Rbla palka masmata jätnü selle perrast et Peter Kommer mitte sögi mant ei ole töhhe lännü kui weel kõt täus es ole nink nõwwap nüüd se 21 Rbla palka ja kuni Jürri päiwani hendale toitu.

Johann Wisse ütles et homiku kässi mina Peter Kommerit kaiwo mani teed luwwa ent Peter Kommer magasi nink es kule mino sõnna ja sõigi nigu kässi mina temäl lehmi assemid säädma minnä, ent sinnä es lähhe ka Peter Kommer ja üttel minule wastu et mina ei lähe sinnä, kui sina tahhat sis mine essi, nink selle päle ütli mina et kui sina mino tüüd ei tahha tetta sis woit ka mino mant ärra minnä.

Moistet:

Johann Wisse peap Peter Kommeri tenistuste taggasi wõtma ja leppitu aig otsa tenima laskma nink woip selle ärra widetü aja eest enne 2 rbla palka sisse kinnitud.

Se moistmine om §773 ja 774 perra kulutedu ja oppusleht wälja antu.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa