Jaan Hak müüp pool sedda Karl Pihhori käest ostetud Semmeni tallo se om maija ja maad Peter Pranzule ärra 500 Rbla eest nisamma kui Jaan Hakil ja Karl Pihhoril essi perrisherra kaest om ostetu.

Peter Pranz massap täämba 140 Rbla Rbla Jaan Hakile ärra nink sedda 360 Rbla massap Peter Pranz nida et kuni 2 webruar 1886 massap Pranz 180 Rbl. ja 5 protsenti nink kuni 2 webruar 1887 massap Pranz 180 Rbl. ja 5 protsenti.

Kui Peter Prantz neid termine ei täüda sis om Jaan Hakil selle pole maja üle õigus.

Peter Pranz ei woi ka kellegi muile sedda puult maad ärra müwwa se om 4 taadri maa, enne kui temäl kiik Jaan Hak'ile kontrakti wai eenõiguse eest om ärra mastu.

Kui se eenõiguse eest 500 Rbla ärra om mastu, sis saap ka kontrakt tettüs ja kinnitedus.

Kui Peter Pranz se 500 Rbla ärra om masnud nink Jaan Hak ehk Karl Pihhor temäle kontrakti ei anna ja wälja tahtwa ajada, sis peawa Karl Pihhor ehk Jaan HakPeter Pranzule 1000 Rbla kahjo tassomist masma.

Jaan Hak XXX

Karl Pihhor [allkiri]

Peter Pranz XXX

Et Jaan Hak, Karl Pihhor ja Peter Pranz nida omma lepnü ja oma käega ala kirjutanu, sedda tunnistap

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa