Peter Kirber kaibab Cärl Seeba pääle, kes olewad saibaga temä aida saina ärä lahknu, kedä Wöörmünder  Matzen om üle kaenu, nink olnu õkwa salwe kottus.

Karl Seeba ette pantu see kaibus, es salga sedä ja ütles et tu sain olnugi mädänu.

Wöörmünder Matzen tunistab et  aita sain olnu kül saibaga ärä lahotu, sain om õige kawa olnu, mitte mädänenu.

Otsus:

Kogokonna kohus mõistab, et Karl Seeba peäb kolm päiwa türmin istma selle aida lahkmise eest, nink kolm rubla Peter Kirberil kahjo tasomist masma, katte nädali sisen.

Otsus kuuluteti § 773 ja 774 perrä T. S.

Karl Seeba and selsamal päiwal üles et temä otsusega rahul ei ole, pääle seda lubas rahul olla ja nädali peräst sisse türmi esi tulla.