Peter Dobrow kaibas kohto een et Sõssara mees Peter Kirrutson teddä temmä Essä tarrest wäljä peab aiama ja pallub et kohhus seddä asja selletäse ja nõuwap seddä tarre omma Essä perrändusses hendäle.

Sõssara mees Peter Kirrutson üttel et temmä annap tunnistust selle ülle et se Petre Essä tarre ei olle et sääl osteto palgid selle tarren, mis Wilip Silats Petre naise endine mees om ostno, ja et se tarre nüüd Peter Kirrutsonil temmä naise jaost om sanud.

Jaan Norrusk tunnistas et Wilip Silats om selle tarre surembäs ja koggoni ümber teiste paika tenno ja sis om Peter Dobrowi Emmä selle wanna tarre Wilipil lubbano, ja Jaan Norruski käest om 12 wanna palki Wilip sanud, ja Wilip Norruski käest om ka palke sanud, ja Ado Waldsoni käest om ka sanud palke tunnist Jaan Norrusk.

Jaak Mälton tunnist et se tarre om wanna paigast laiali pillutu moisa polest ja sis om Jaak Mälton omma krundi päle lasno Wilip Silatsil ülles tettä, ja om ka weel 10 Rubla rahha lainano Wilipil palke ja nõu manno murretada selle tarrele, ja et se ei pea mitte Peter Dobrowi tarre ollema enge peab Peter ja naisel ollema.

Peter Kirrutsonil om ka üts tunnistusse täht kohto polest anto mis wanna Emmä läsk Lisu palwega om tetto 29 Mail 1867

Ülle kaemisse perräst jääs polele.

Hindrik Konsap tunnist et temmä om ka 2 kormat rodmit selle tarremanno Wilipil andno.