Ette tulli Peeter Kuhi ja kaibas, et temä olewat Jüripäiwal 1878 omast majast ärä aetu, kohe s asemele tulnu, kes selle maja äräostnu. Nõuab aastarenti 90 Rbl., kui eestäräminekiraha ja 2 paari usse hingi ja katte aida lukku eest kokko 6 Rbl. 2 aknat, mis ka temä oma ollew, neide eet nõuab 1 Rbl. Niida nõuab tema sis ütte kokko Joh. Purassoni käest 97 Rbl. kahjotasumist.

Joh. Purasson tulli ette ja kui temäle kaibdus ette loeti wastutas seesama, et temä selleperäst sedä ärä minekiraha ei taha massa, et Peeter Kuhi kõik pikkä ole ja 2 koormat pudi olgi warguse wiisi majast ärä om wiinu, nii et selle maale midagi enamb sitta ei ole saanu, niisama olew temä ka röä tõumaa pääle tennu, kost ta suwel enne lina ja tatriko ärä wõtnu. Ei ollew rükki kesä maa pääle rohkemb kui 1 wakkamaa tennu. Usse hinge, lukku ja akna lubab temä kõik ärä wõtta laske, kui temäl peäs sunnitama, neid ärä massa. Mari Sibbul ollew selle man tunnistaja, kui olgi ööse warguse wiisi ärä om wiidu.

Peeter Kuhi ütles, et temä selle tunnistusega rahul ei ole, selle et tunnistaja Mari Sibbul temä wihalane ollew.

Otsus: Et tunnistaja Mari Sibbul täämbä mitte kohto ette ei ole tulnu, sis jääs kohto mõistmine tõises kohto päiwas, kui tunnistaja kõik kohto ette om tulnu ja üle kulleldus saanu.

Joh. Pähn xxx

Mihkli Laine xxx

G. Asi xxx