Ette tulli Hindrik Heik ja kaibas, et temä ollew ommi linno rabanu ja kui ta lõuna aigo sööma ollew lännu, ei ollew perenaine Mari Heik temäle mitte süwwa andnu, wõtnu söögi eest ärä ja üttelnu: " Muijale käüt sa töhä ja siia sööma," sõimanu tedä wargas ja käsno ärä minna, kelle pääle temä sis ka ärä ollew lännu. Lubab kül oma perenaise mano jääda kui temäle temä palk wäljä mastas  ja süwwä andas, seni kui temä aasta täis saap.

Mari Heik /Man saisja Jüri Kramp/ tulli ette ja kui temäle Hindriki kaibdus ette loeti wastutas seesama: et Hindrik ollew temä linno kütno 42 kuppo ja ollew seesama nii ärä kuiwatanu, et na selle läbi paklisis ollew lännü ja ollew temä linno 15 naela warastanu keda temä esi Hindrik käest ärä ollew wõtnu. Sedä ollew nännü: Mari Lill ja Matli Jahu. Kui temä sis sedä Hindrikile ollew üttelnu  ja käsknu temäl minna linno rabama, ollew seesama tedä nakkanu wandma ja temägä wäega tõrelema, nii et temä ja temä lats ollew ärä heitinu ja haiges jäänu. Ütte looga ollew Hindrik ka ilma teedmata ärä wõtnu, mis 1 1/2 Rbl. masnu, ja ollew selle ärä wiinu. Mari Heik tahap, et Hindrik Heik temä mant ärä lät.

Otsus: Kohtomõistmine jääs tõises kohto päiwäs, kui tunnistaja ko kohto ette saawa kutsutu.

J. Tagel xxx

A. Org xxx

G. Kolk xxx