Kõrdsimees Jaan Sik tulli kohto ette ja kaibas, et Peeter Sikkal ollew temale 3 Rbl 77 Kop. kõrdsi wõlga ja ütte tooli ollew P. Sik temal katski löönu, mis 3 Rbl. maswat. Summa 6 Rbl.77 kop. Pallep kog. kohut P.Sikka sundi seda raha temäle ärä massa.

Peetr Sik kutsuti kohto ette ja kui kaibdus temale ette loeti, sis wastutas temä selle kaibduse pääle, et temä ei ollew midägi wõlgo wõtnu ja ei ollew ka üttegi tooli katski löönu.

Kusta Weitz tunnistas, et kõrdsimees ollew temäle kül sedä tooli näidanu, mis arwata 3 Rbl. wäärt ja ärä ollew lahutu ja üttelnu ka, et Peter Sik selle tooli ollew lahknu, aga nännu ei ollew temä mitte, kes tooli lahknu.

Otsus:

Peeter Sik peap 1 Rbl. ärä masma, mida pääkohtomees om nännu, kui P. Sik kõrdsimehe käest wõtnu, muu wõlg ja tooli lahkmine jääp P. Sikkal kõrdsimehele masmata, selle et üttegi selget tunistust ei ole.

Kui kohtun käüjile kohto otsus ja Sääduse §§ 773 ja 774 ette saiwa loetu, sis tunnista kõrdsimees et tema selle otsusega rahul ei ole ja pallel oppuse lehte, mis temale ka lubati.

J. Tagel XXX

A, Org XXX

G. Kolk XXX

Kirjot. Luik [allkiri]