Hurmi walitseja Rõigas tulli kohto ette ja kaibas, et tütrik Liiso Kirst Kopskilt ööse kella 10 aigo mõisa tulnu ja poissega Joh. Käsik ja Kusta Mõts sahwri kambrin olnu, kui temä sinna sisse lännu neid säält ärä ajama, sis nakkanu Liiso teda sõimama. Tõistkõrda olnu jälle Pühäpäiwa õdago Liiso Wennemaa poisi Kaarliga sääl, kui tema sis küssino Liiso käest, kelle lubaga sina siin olet, wastutanu seesama, mis nõudja sina olet, meie wõimi olla kuis meie tahami ja andnu temäle ka muid roppe sõnnu. Tunnistaja ollew  Ello Kiwi ja Peter Olesk.

Liiso Kirst wastutas selle kaibduse pääle: Tema lännu mõisahe selleperast, et temal weli ja sõsar Wennemaal elässe ja et ta Wennemaa meeste käest teeda saas kuis no sääl elässe. Kui ta sääl juttu ajanu tulnu walitseja sisse löönu teda roosaga ja lubanu kinni laske köüta. Edimätsel õdagul olnu tema arwata 2 tundi mõisan ja tõisel õdagul 1 tunni.

Ello Kiwi tunnistas, et Liiso Kirst tulnu wennemaa meeste manu toonu neile ütte pakki, keda ta pallelnu omale sõsarale wennemaale wiia, tõisel õdagul tulnu jälle kos tema sis Liisot pallelnu hendale abis kangast mähkma. Kui walitseja sinna tarre sisse tulnu, sis lännu temä wälja ette tarre ja selleperast ei ollew tema löömist nännu, waid aga kuulnu. Sedä kuulnu ka kui walitseja lubanu Liisot 3 Rbl. trahwiga trahwi, kelle päle Liiso üttelnu:" Kui mina 3 Rbl.massa sis massat sina 30 rbl. selle et sa minno leit ilma asjata.

Peeter Olesk tunnistas, et see olnu pool nalja asi kui walitseja käsknu kinni köüta kelle pääle ka temä üttelnu:" Köitke teie kinni, mino poolt om kabla. Seda kuulnu ka kui walitseja üttelnu: Sina massat 3 Rbl. trahwi, kelle pääle Liiso üttelnu: Sina massat sis 30 rbl. Sõimamist ega roppu juttu ei ole mitte olnu.

Lepsewa mõlemba kohtun käüja tõine tõisega ärä.

J. Tagel XXX

A. Org XXX

G. Kolk XXX

Kirjotaja Luik [allkiri]