Johann Timpka tulli ja kaibas, et Peter Sikka hobene ollew tema nisu nisurõugu ärälahknu ja sääl pääl söönu; 5 sittaunikut olnu rõugu man. Kohtomees G. Kolk ollew seda kahjo üle kaenu. Nõuab Peter Sikka käest 1/3 wak nissu.

Peter Sik wastutap selle kaibduse pääle, et tema hobene ei ollew mitte seda kurja tennu, ei ollew tema ka seda nännü kunas temä hobene Timpka rõugu pääl olnu.

Kusta Kolk /kohtomees/ tunnistap: Kui tema seda nisu rõuku käünü üle kaeman, sis löüdnu, et sääl rõugu man om üts hobene söönu, kel rauwa all omma olnu ja nännü ka, et 5 hobese sittaunikut rõugu man olnu; arwap selle kahjo 1/6 wakka nissu wäärt ollew.

Otsus:

Selle et ütski wõõras hobene sääl ei ole käünü ja Timpka oma hobene ilma rauwuta om olnu, sis arwap Kog. Kohus, et Sikka hobene selle kahjo om tennu, selleperast peap Sik, Timpkale 1/6 wakka nissu masma.

Kui kohto otsus sai kuulutedu, sis olliwa mõlemba kohtun käüja selle otsusega rahu.

G. Weits XXX

A. Org XXX

G. Kolk XXX

Kirjotaja W. Luik [allkiri]