Kohtu een kaibas Peter Liblik Põlgastest: Et temal olla omma Perremehhe Peter Kolga käest omma suwwe teenistust saada 28 Rubla 20 Kop. nink ärrä om saand 1 Lehm mis 14 Rubla massap ja sis sanu 5 Rubla ka,  1 Rubla käerahha, 1 paar Zuge mes 20 kop massap ja üts kõrd and temma 60 kop. nink Märdi ladale minna andis tema 6 Rubla. Se om ülle kiige mis mina temma käest saanu olle 26 Rbl. 80 Kop. nink Hurmi Kogokona Kohtuhe om minno palgast sisse kinitedu 15 Rubla ja selle järgi om se rechnung 41 Rubl. 80 Kop. ja palk olli mul leppitu tema käest 70 Rubla sest 25dast Marzist seeni kui päle Märdi päiwa üts nädal ja kui minna ärrälätsi siis lätsime palga selletamise man tülli ja tema pakse minole 14 Rubla ent minna es wõtta sedda rahha mitte wasta ja se rahha jäi minnost lawwa päle.

Peter Kolk ette kutsuti ja kaibus ette loeti kes wastut: Et Peter LIblik olla palka ene wälja saanu 34 Rubla kelle manu ka 5 mõõtu kaera om arwatu ja selle man om tunnistaja: Hindrik Parras Põlgastest ja kui tema ärrä läts siis saije tema 14 Rubla 20 Kop. selle man om tunnistaja Liiso Adler ja An Kroon ja Hurmi Kogokonna Kohtuhe massi mina tema palgast 15 Rubla mes Rein Hallapi wõlla massmisses sisse olli kinitedu. Se om üllekige mes tema palka om saanu 63 Rubla ja 20 Kop. Ja päiwi om tema minol ärräwitnu 12 päiwa suwwel tö aiga ja 4 2/3 päiwa olli tema haige ja 4 1/3 päiw wõt tema kohtun käümisse päle ja muido ja neide paiwi eest nõuan minna egga päiwa eest 1 Rubla. Ja Karrasky PäKohtumehhe Jaan Tullusse kätte olla temma 4 Rubla massnu, kellele tema om ütelnu et seo rahha wõti mina Peter Kolga  käest oma palka.

Peter Liblik wastutas: et seo 4 Rubla mis minna Karraski anni wõtti minna omma sõssara käest ei mitte Peter Kolga käest ja neide kaera eest massi minna sissama Peter Kolgale ärra.

Hindrik Parras Põlgastest tunistas: et 5 mõõtu olli neid kaeru agga kellel massa sedda ma ei tija nink rahha rechnum olli 34 Rubla agga sedda minna ei tija kummal se massa olli kas Peter Kolgal Liblikule ehk Liblikal Kolkale.

Liso Adler tunistas: Mina nägi kül et Peter Liblikal rahha näppu wahhel olli agga kui paljo, sedda ma ei tea ja Peter Liblik olla üttelnu et neide 8 Rubla päle mes Peter Kolk päiwi eest ärra om wõtnu tullep suur protses.

An Kroon tunistas: et Kolk massis 14 Rubl. 20 Kop. ja Peter Liblik piddi 10 Kop. taggasi andma, ent es olle ja siis jättis Peter Kolk se 10 Kop. ka temale.

Jaan Tullus Karraskist tunistas: Peter Liblik massis mino kätte sõssara trahwi rahha 4 Rubla ja minna küsse kelle käest ollet sa se rahha saanu ja Peter Liblik ütles mina wõtti Peter Kolga käest wastset palga rahha seo 4 Rubla.

Kohhus Moistse:

Kuna nüüd Peter Liblik ütlep et tema om saanu Peter Kolga käest oma palga 26 Rbl 80 Kop. nink Hurmi Kogokonna Kohtu om tema palgast  sissekinitedu 15 Rubla ent et temma enamb saanu ei olle nink 14 Rubla om tema saanu, kelle man om tunistaja Liso Adler ja An Kron nink 4 Rubla om tema saanu kedda tema Jaan Tullusele om ütelnu nink ne wiis mõõtu kaeru mes Peter Liblik, Peter Kolgale üles ärra massnu ollewat saap poles arwatus 1 Rbl 15 Kop. selleperast et neil tunistajit ei olle. Siis om Peter Liblik, Peter Kolga käest palka wälla saanu 61 Rbl 15 Kop. ent saada olli tema 70 Rubla. Ent 21 päiwa om tema ärräwitnu kelle eest 13 Rbl. 42 Kop. om arwatu siis peab Peter Liblik, Peter Kolgale 4 Rbl 57 Kop massma.

Moistmine nink § 773 ja 774 sai kohtunkäüjile ette loetus kon Peter Liblik kulut et tema selle otsusega rahhul ei olle ja palles Protokolli wälja mes temmale ka es keelta nink oppuse leht (Appelation) anti  ja Protokoll ka.

Gusta Weits xxx

Jaan Tamm xxx

Jaan Kuhhi xxx

 Kirjotaja A Hallap [allkiri]