Andre Kirst palles sedda protokolli üles kirjotada et temä annap oma maja ja ma suur 8 taadrid, omale tütrele Mai Kirstule ja selle mehhele perrändüses nink lassep ka Kreiskohtun wäimehhe Jakob Jasoni nime kontrakti kirjutada.

Andre Kirst peap kuni oma surmani poolt sedda maad henda käen, se om 4ja taadri maa, ent perrän temä Andre Kirstu surma jääp ka se tõine pool maad wäimehhele ja tütre Maijele perrandada.

Kui wäimees tahhap jo enne Andre Kirstu surma kiik se maa henda kätte wõtta, sis peap wäimees Jakob JasonAndre Kirstule 500 Rbla ütte kõrraga kätte masma.

Kui maad poles piddawa, sis massawa kumbgi tütrele Lotta Kirstule ja Lisa Kirstule 150 Rbla jaos nink kui Jakob Jasna jääp ütsinda selle maja piddajas, sis massap Jason kõik se 300 Rbla ütsinda tõisile tütrile.

Kreiskohtun maja kontrakti kirjutamine saap enne pulma piddamist ärra tallitedus.

Mes Karl Sikale kohtumoistmise perrä Andre Kirstul tulep massa, sedda massap jo Jakob Jason nink ka muud maja eest massu massap Jason, sest et Jason perremehhes saap.

Andre Kirst XXX

Jakob Jason XXX

Et Andre Kirst ja Jakob Jasonnida omma lepnü ja oma käega ala kirjutanu sedda tunnistap

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjutaja J.Jõgewa