Tulli ette Peter Urgard nink kaebas et Wiido Laaskar om tedda hendale sulases palganu ja nüüd ei ole wõtnu, palkamise man om olnud Peter Urtson pääkohtumees ja nöwap 50 rbl. ja ütte innemise moona Wiido Laaskar käest.

Tulli ette Wiido Laaskar nink wastat et temma om Peter Urgardi palganu kül aga mitte Karpseppa maija enge töiste paika sa sis ei ole Peter Urgard tulnud ja ollew ka Wiido Laaskar teda kohtumehega ütten töisel päiwal tagasi kutsnud.

Saije Peter Urgardil wastus ette loetus nink pääle tema tunnistajas Peter Parmson and selle man et Wiido Laaskar tedda wastu es wõtta teenima.

Saijewa tunnistus mehed ette loetus Wiido Laaskaril ja tema wastat et temma selle tunnismehega rahhul ei ole selle et temaga kohut om käinud ja wihamees om.

Tunnist pääkohtumees Peter Urtson et Jakob Parmatzow om töist sulast tahtnud ja Wiido Laaskar om 1 rbl käerahha Peter Urgardil andnu ja om teda palganud.

Otsus

Möistis kohhus wastu Wiido Laaskar aasta palga ja moona nöudmise perrast tühjas selle et Wiido Laaskar kui üts sulane ehk päiwiline Karpsoni majan üttegi sulast palgata ei wöi ja ka et Peter Urgard Wiido Laaskari manno ei ole tulnu töisel hommingul kohtumehega niida kui Wiido Laaskar om kutnus ja jääb see käerahhas antu 1 rbl Peter Urgardil

Tunnist Peter Urgard et temma selle otsusega rahhul ei ole.

Pääkohtumees: Peter Urtson

Kohtumees: Kusta Rämman

Kohtumees: Joosep Oinberg

Kirjotaja F Wreimann <allkiri>