Sel 9 Detsembril 1885

Kaibas Johan Teder Krimanist, et tema poig om minewa suwel Miko Hansu Johan Janzeni jures Karjan käinu ja nüid ei olle Johan Janzen kaubeltut palka ja nimmelt 1 wakk Rükki, 1 wakk Keswi,1/4 wak Ubbe, Wäe poolist ja 1 pätz leiba weel massnu, tõiselt om tema lammas Johan Janzeni karjan hukka sanu, lamba est nõudis Johan Teder 5 Rubl ja tema pojaga ütten antut rõiwat om keik ärra peetu ja poig todu ilma rõiwide kodu.

Johan Teder nõudis seda kaubeltut palka 5 Rubl lamba est ja rõiwat.

Johan Janzen wastutas selle päle, et 1 wakk Rükki ja 1 wakk Keswi om kül massmada, Ubbe ja wäe polist ei olle tema lubanu ja leiwa om tema ärra massnu. Seda palka ei wõi tema massa, selle et Karjapois temal ütte lehma jalla luu katski om lönu, mis läbbi se lehm hukka sanu ja tõisel lehmal om karjapois Kartoflidega lahki söta lasknu ja 3 lammast om karjapois karja jurest ärra minna lasknu, ütte sedulka rihma om karjapois ärra warrastanu ja ärra müinu ja ütte hobuse raudkamitse wõtme om karjapois katski pessnu kiwwi wahel ja ütte särki om pois mõtsa jätnu, mis ärra jänu. Se Johan Tedre lammas om tõiste sehen homiku koolnu leutu tema ei tea mis perrast ja Johan Teder ei olle poisile rõiwit ütten andno. 

Johan Teder ütles et tema poig ei olle lehma jalga katski lönu se om ülle krawi karranu sis om jalla murdnu ja lehma lahki sötmise perrast ei tea tema midagi, särkist ja sedulka rihmast ei tea tema.

Johan Janzen andis tunistajas ülles Ann Kahma.

Otsus: et tunistaja ette om kutsuta.

Kohtumees: Johan Klaosen XXX

"  J. Krosbärk /allkiri/

" Jaan Pruks /allkiri/