Kaibus.

Kaibas Josep Urgardt ja Josep Rämman, et neide niito kolme külla perremeeste Hobbeste läbbi öitsiga ollewat ärra söötedu ja nimmelt ne külla: Sülga, Parmu ja Kürsa öitz ollewat sedda tennu. Hobbesewaht Kipre Hans ollewat sääl ja on waht ollu.

wäljanöudminne,

Hobbesewaht Kipre Hans ette kutzutus, wastutas, et temma neide niito piirist middagi ei tija, ent Musta Michkli poig Jaan Hansoni sullane ja Ritzika Pedu tüttar ommawa sinna sisse winuwa, ja temma ei tija kes tulle om ülles tennu, sest tulle asse om ?? neid olnu.

Peter Kärtman üttel, temma ei olle omma hobbeset mitte neide Kaibajate niito sisse winu, ent temma länno öitsile järgi, ja tulle asse om enne temma manusamist liggi Kuhja ollu nink keik öits om koon ollu.

Kohtomehhe omma neide möllemba perremeeste niito ülle kaenu nink Josep Urgartil om kaks jaggo ja Josep Rämmanil üks jaggo kahjoarwata ent siiski ei olle neide niito päält millalgi üht äddalat tetta sanu, ja nimmelt ei olle nemma üht ainust Hobbest pandistanu.

Moisteto.

Sai neile 3 Rbl. kahjotasomisses keddas ne kolm külla perremehhe peawa neile massma, 2 Rbl. saap Josep Urgardt ja üks Rbl. Josep Rämman.

Pääkohtomees: Kristjan Rämman

Abbi: Fritz Runhanson

Abbi Jaak Leppind

1872. sel 23 Octbr. sai se assi ärra moisteto.