Kaibussega olli Ottepä kerriko körtsi mees Johann Freiwald ette tulnu omma wankre perrast, et temma rehhealt om jo Noowembri kuul üts kangede rawwutetu nink ka raud telgedega wanker ärrawarrastetu.

Nüüd paljo perra kullemisse perra om temma Urwaste kella mehhe käest teda sanu, et temma wanker om Urwaste karja moisa Ruhhiko körtsimehhe käen, to ollewat wankert Urwaste kellamehhele, Urwaste moisa kubbijalle nink perremees Karl Glossile müa paknu, ent ne nimmitetu mehhed ei olle osta julgunu.

Sepäle tulnu Johann Freiwald Urwaste, wötnu koggokonna kohtomeest Mihkel Aden ütten nink lännuwa Ruhhiko körtsi mannu wankert otsma, Ruhhiko körtsimees tahtnu eesmalt koggoni ärrasallata, wimate üttelnu temma ollewat katte rubla eest ostnu, nink kige wimate üttelnu, üts töine ollewat temma kätte tonu nink jälle ärrawinu; nink käsknu kohtomehhel essi todda meest tagga otsi. Sepäle om kohtomees temmale käsku andnu sel 14. Januaril sel aastal Urwaste koggokonna kohtu ette tulla, lubbanu kül, ent nimmitetu päiwal otis kohhus es tulle; wimate läts kohtomees perra, ent körtsimees olli Tartu söitnu, naine ütlenu moisa wallitsus saatnu, ent moisa wallitsus es tija sest middage.​​​​​​​