| Leidandmed | EAA.3407.1.1 |
|---|---|
| Kaader | 4,5 |
| Daatum | 12.11.1858 |
| Protokolli number | |
| Protokolli teema | |
| Märkused | Aden on "man istuja". |
| Kohtumehed | |||
|---|---|---|---|
| Eesnimi | Perekonnanimi | Täisnimi | Roll |
| Jakob | Ismael | Peakohtumees | |
| Mihkel | Aden | Kohtumees | |
| Jaan | Weidenberk | Vöörmünder | |
Kaibussega olli Juhhan Kerge ette tulnu, et moisa rehhepap om tedda pesnu, nink näudas kohto een omma sälga, kos pääl kohtomehhed wiis werrist witsa joont luggesiwa; ent mittus körd rehhepap tedda lönu, es tija temma mitte, enge ütles et temma sü läbbi om kül üts rüa wihk halwaste rabbatu olnu. Sepäle selletas rehhepap, et temmal om mitto wihko halwaste rabbatu olnu, nink temma ei ollewat ennamb kui wiis löki keppiga lönu.
Sepäle astewa kaibajale kolm tunnistajat ette, nimmelt: Peter Aden, Peter Tiberk nink Mihkel Poltan; nink selletasiwa, et rehhepap om Juhhan Kerget hallestamata wisil pesnu: ütte keppiga 12 löki lönu nink sis kep katski lännu, sepäle töise wastse keppi wötnu nink tollega 20 löki lönu, nink sis jälle wahhel ütte lögi russikaga pähha lönu; sis kolmanda keppi wötnu nink tollega kuus löki lönu.
Sedda ütliwa kik kolm tötte ollewa, ent rehhepap es ütle sedda mitte tötte ollewa.
Et koggokonna kohtul melewald tunnistajid wannutata ei olle, nink päleke, et rehhepap üts pilleti päle lastu soldat om, es arwa koggokonna kohhus üttegi sepäle moista woiwat.