Tulli Kohtu ette Moisa wallitsus nink Kaiwas Karjatüdruku An Kansi päle

1, Et nimmitedu tüdruk om Moisa pima warrastanu

2, Ei hoia sukkugi karja, henge heitap karja man maggama, nink lassep ellajail allati Kurja tetta

Nink 3. Kui An Kansi hobis karja mant ärra olli lännu, nink karja ütsinda olli jätnu, nink Karri wastse ristikhaina päle olli lännu: Kos ärra keeltu olli. Kon Moisa wallitsus ellajit ärra aije Sis tulli An Kansi mes perrast Moisa wallitsus An Kansit karja mant arra minneki eest törrel, nink wihhan Litsis nimmet sest Moisa wallitsus olli kuulda sanu: et An Kansi ollewat rase. Kelle päle An Kansi Moisa wallitsussele wastut: Teije henda Lits ollegi.

Moisawallitsus pallel sedda Kohhut

1, An Kansi kohtu ette kutsu, nink Küssida: Kas ta Kohtu een ka julgup üttelda: Et ta Moisawallitsusse lits om

2, Selle et An Kansi pima om warrastannu, karja ei hoija, nink Kurja lassep tetta nink weel särast suurt üsna wöls tunnistust wihha perrast: Et Moisawallitsuse Lits om, An Kansi silma pilk moisa tenistussest Kohtu läbbi saas wallale lastus, nink weel selle üllewan nimmitedu süda eest. Nink nimmelt et Moisa wallistusse päle säratse sure wöls tunnistusse on üttelnu. Saas kohtu poolt südi möda trahwitus.

Sai kohtu ette kutsutus An Kansi nink se Moisawallitsusse Kaibus ette loetus. Kelle päle Ann Kansi wastut: hopman aije minno eddimalt Kögist ärra, Kohhe minna henda kaubelnu olli nink nuud tahhap ka weel karja pärra aija, päle selle kui minno minnewa Kolmekunninga päiwa õddanu ärra narse sest wastsen ajastaijl ollewa minnol Kun reiwa, päle selle es olle ennamb. Nink minnul saap nüüd pea lats kätte

1. Pima wõtti kül kögi tüdrukuga hendale sömisse tarbis. Mes se sis suur assi om.

2. om mõnnis ellaj Ristikhaina päle lännu, nink es wabbanda, et Karja mant ärra om lännu Moisahe juwwa otsma.

3. Ütles An Kansi päle selle kui Moisawallitsus Kohtul nõuda lakse, nink Protokolli panda pallel. Kas Moisawallitseija perran Kolmekuninga päiwa Ka weel An Kansiga ellas, om ja muidoki, nink nimmelt Kolmekunninga päiwa õddangu narse minno ärra sest Kuu reiwa jäiwa mahha, päle se paar päiwa enne Jürri päiwa, nink ölwa päle Jürripäiwa, sis röa pöimu aigu, nink paljo körda päle se.

Kohhus Moistse:

Selle et An pima warrastanu nink ka kui An Kansi essi tunnistap: Et kolmekunninga päiwan ärra om narritud: Nink lats pea kätte saap.

Ei soi säratanne inneminne tenistussen olla Moisawallitsus massap täämpätseni päiwani  9 Rubla palka wälja. Nink An Kansi saap moisa tenistussest wallale An Kansile sai 9 Rubla wälja mastus.

Nink se töine Moisawallitseija Kaibdus: Et An Kansi ilma süta om teotust Moisawallitseija wasta töstnu. Moisawallitsusse ütlemisse päle saap sis selletedus Kui An Kansil lats om sündinu.

Sedda Moistust sai sädust möda Moisa wallitseijale, nink An Kansile ette loetus: nink ütteldus Kui rahhule ei olle selle moistussega woiwa surembat Kohhut käwwa.

Moisawallitsus nink An Kansi olliwa selle moistussega rahhul.

Pä Kohtomehhe assemel Jaan Luk <allkiri>

Abbi Kohtomees Jaan Peetso XXX

Abbi Kohtomees Johan Wisk XXX

wöölmöndre Juhhan Luk <allkiri>

Koggokonna Kohtu kirjotaija assemel wöölmöndre Hans Kallas