Tulli Kohto ette Kidjerwe Moisawallitsus nink Kaiwas Prangli moisa Perremehhe Rein Loig päle, et nimmededu Rein Loig warrast Kidjerwe Rae päält üts palgi laddew, sest Moisawallitsus wõttis essi Rein Loig Korwerre Körtsi läwwel kinni, kos Rein Loig eddimält wabbant nink perräst Kül üttel henda warga ollewat, nink pallel Moisawallitsust antke minnole andist, Moisawallitsus andse Ka Hendrik Muga ülles Kes Ka sedda Kik om Kulnu tunnistaijast. Saije ette kutsutud Rein Loig nink se Kaibus ette loetus.

Rein Loig es wabbanda et se Palgi laddew temma warrast, enge antse kohto een ülles, Kui minnol se Laddew pääle ole pant tulle Mötsawaht Krüneri Kubjaga minnole mannu, nink küsse Mees Kos sinna läät se palgi Ladwaga, minna Kostse, minna lä Praglihhe sis, üttel Mötsawaht se om Kül Kidjerwe Moisa Laddew, Prangli Moisal om seme puu latwa sada jägu ta sis neide eest, ja saa woit minnä, Kui Mötsawaht minnol es olles lubban minnä; egga minna sis es olles warrasdanu

Kohhus Küsse Rein Loig Käest Kas sinnol olle Prangli Moisast lubba et sa palgi laddew woiset Prangli raepäält wija, es olle lubba Kostse Rein Loig. 

Saije ette Kutsutus Motsawaht Johan nink Küssitus Kas sinna sait mannu Kui Rein Loig Kidjerwe Rae pääle se palgi laddew pääle pantse, mis Opman Kinni wõtte. sai kül mannu Kostse Mötsawaht Johan, Kohhus Küsse, mis perrast sinna tedda Kinni es wõta Kui sa näiset et worras Mees ilma sinno lubbata palgi ladwa pääle olle pandnu Kidjerwe Moisa Räepäält, Mõtsawaht Johan Kostse Se Mees üttel minnole et ta se Laddew Pranglihhe wiip, selle et Prangli Moisal Semepuu Latwu saija om, olles minna se laddew selle ette arwanu, Kohhus Küsse Kas sa se Mehhe Käest Küsste Kas täl Prangli Moisast lubba Kirja olle et ta üts palgi laddew wois wija. es Küssi Kostse Mötsawaht Juhan.

Weel Kaiwas Moisawallitsus Mötsawahhi Johan pääle, Kui Moisawallitsus Rein Loig olle Kinni wõtnu Korwerrel, nink, Moisahhe wenu nink Rein Loig ärra läts, tulle poole Tunni aija perrast Mötsawaht Johan Tik Rein Loig ka taggasi Moisawallitsusse mannu, Motsawaht Johan olle Köwwaste purjun wai jonu nink hakkas Moisawallitsussega tülli, et Moisawallitsus Rein Loiga ilma süta om Körwerrest taggasi tonu sest minna Mötsawaht olli jo essi manu, Kui ta se ladwa päle pandse ta ei olle jo wanas, antke se Kirwes temman Kätte nink ärge temputage se innemissega, Kui nüüd Moisawallitsus Mötsawahhi Käsku tähhele es panne nink wargale Kirwest Kätte es anna, hakkas Motsawaht jälle Moisawallitsusse wastu, nink ütte Kui ta Kirwest Kätte ei sa, ma tahha obbene ette panda nink silmapilk Hoiso minna Siversi Härra mannu, sis ma näe Kas Rein Loig saap Kirwes Katte wai ei.

sai ette Kutsutus Motsawahh Johan Tik nink se Moisawallitsusse Kaibus ette loetus, Kelle pääle Motsawaht Johan Tik üttel se om kül oige ma olle Wina sanu, ma pälle wäega Moisawallitsust antke minnole andis, ma olle Kül wäega essend

Kohhus Moistis

Rein Loig peap selle eest et ta se palgi laddew ni Kui ta essi tunnistap om warrasdanu Kolm Rubla trahwi masma, nink se rahha naddali perrast ärrä masma. sedda Moistus sai Rein Loig ette loetus sädust möda. Rein loig es olle selle Moistussega rahhul enge lubbas surempat Kohhust Käwwä. se Kohhus lubbas Prottokoll kattesa päiwa perrast wäljä anda. Ka Moiste Kohhus, Selle et Motsawaht Johan essi man om, nink näep et warras palgi ladwa pääle patse, nink es Küssi, Kas täl Ka lubba olle Prangli Moisa Käest, et täl lubba olle üts laddew Prangli, nink mitte Kidjerwe Raepäält wija nink weel Moisawallitsisse Ka selle perrast omma Jobnu päga tulli läts et Moisawallitsus wagra Kinni Wõtti, sest nidawisi woip eggi Mees Mötsa minna nink warrasdada, egga Motsawaht ei Küssi Kas lubba om, enge lassep ekkä ütte minna. Massap Johan Mötsawaht Kats Rbl Trahwi. Sedda Moistust sai Moisawallitsussele nink Mötsawahhile ette loetus. Mötsawaht pallel Mõisawallitsust wäega andis snda, Moisawallitsus lubbas ennege sis Kui Motsw Juhan Tik parrembide hakkap Mötsa perrä Kaema nink Ka Kui Perris Härra A v Sivers sellega rahhul saap ollema, ja weel Kui Motsawaht omma jomist mahha jättäp.

Pä Kohtomehhe assemel: Jaan Luk XXX

Abbi Jaan Petso XXX

Daniel Tens XXX

Johan Wisk XXX

Wölmöndre Johan Lük XXX