Leidandmed | EAA.3369.1.1 |
---|---|
Kaader | 52 |
Daatum | 31.01.1868 |
Protokolli number | 10 |
Protokolli teema | 9. Sõim ja vägivald |
Märkused |
Kahkwal koggokonna kohtu een sel 31 januaril 1868.
Kaiwas Jakow Naruskow, et Gusta Lepikow neide wina klassi katski löönu ja ütelnu, et klas olles wäike ollu ja perrast kui Jakobi essa om omma klassi perrast kõnnelnu, sis om Wido Sõugand essa rindu piddi wälja winu, to pääle om Jakob keelma lännu sis om Widu Sõugand Jakobi jusist kinni wõtnu ja põrmandu pääle mahha löönu ja posse katski löönu ja tõkki jusist ka pääst mahha kaksanu.
Tunnistaja omma Jaan Lepland ja Johan Dobre.
Ette tulli Wido Sõugand ja ütel,e t emma ei olle mitte Jakopit karwust mahha tõmmanu ent Gusta Lepikow om kül klasi katski lönu end klas om wäike ollu ja kolme kopike eest müidu.
Tunnistaja omma Jaan Mit ja Andresson omma wellega. Sel 3 febr. tunnistaja Jaan Lepland ütel, et temma om kõrtsi tullu sis om jo tullo otsan ollu ja temma ei ole middagi nännu.
Tunnistaja Jaan Mit ütel, et temma om nännu, et Jakob Naruskow om tullu ja Widu Sõugandi jusist wõtnu ja ette rahwaga eddasi litsnu ja perrast henda põrmandulle mahha wisanu ja perrast henda. Kui põrmandult ülles tullus, sis om tade kõrtsi lännu ja ütte tükki juset wälja toonu.
Widu Kübbar üttel, et Jakobi essa om Widu Sõugandi kübara pääst ärra wõtnu ja Widu Sõugandi mahha löönu.
Kohhus mõist, et Gusta Lepikow ja Jakob Naruskow peawa pühhapäiwa tülli eest kumbgi 1 rbl trahwi masma kerriku ladeku.
Päkohtumees Michel Musting
Abbi Johhan Sepp
Abbi Jakob Lepland